Carlos Bacca៖«James Rodriguez ត្រូវពិចារណាឱ្យច្បាស់មុនចាកចេញពី Real Madrid»
ក្រោយពីលេចឮថា ក្លិបបិសាចក្រហម Man Utd បានព្រមព្រៀងលក្ខខណ្ឌផ្ទាល់ខ្លួនមួយចំនួនជាមួយកីឡាករ James Rodriguez
ក្រោយពីលេចឮថា ក្លិបបិសាចក្រហម Man Utd បានព្រមព្រៀងលក្ខខណ្ឌផ្ទាល់ខ្លួនមួយចំនួនជាមួយកីឡាករ James Rodriguez
ក្រោយពីលេចឮថា ក្លិបបិសាចក្រហម Man Utd បានព្រមព្រៀងលក្ខខណ្ឌផ្ទាល់ខ្លួនមួយចំនួនជាមួយកីឡាករ James Rodriguez ដែលអាចឈានដល់ការផ្លាស់ពីក្លិប Real Madrid ទៅលេងនៅទឹកដី Old Trafford នារដូវក្តៅនេះ កីឡាករ Carlos Bacca ដែលជាមិត្តរួមក្រុមជម្រើសជាតិកូឡុំប៊ីបាននិយាយថា៖ «James Rodriguezដែលកំពុងចង់ចាកចេញពី Real Madrid ត្រូវគិតឱ្យច្បាស់ពីអនាគតរបស់ខ្លួន » ។
ថ្លែងប្រាប់ទស្សនាវដ្តី Don Balon កីឡាករ Carlos Bacca បានលើកឡើងថា៖ «វាមិនមែនជារឿងងាយស្រួលនោះទេ ក្នុងការសម្រេចចិត្តចាកចេញពី Real Madrid ទៅលេងនៅក្លិបដទៃ » ។ Carlos Bacca បន្ថែមថា៖ «James Rodriguez ត្រូវតែពិចារណាឱ្យច្បាស់ថាគួរធ្វើបែបណា ព្រោះគាត់ក៏ជាកំពូលកីឡាករមួយរូបផងដែរ» ។
យោងតាមរបាយការណ៍មួយដែលចេញផ្សាយនៅលើគេហទំព័រ Daily Star បានឱ្យដឹងថា តម្លៃខ្លួនរបស់ Rodriguez មានរហូតដល់៧៨លានដុល្លារ ប៉ុន្តែក្លិប Man Utd មិនទាន់ដាច់ចិត្តយល់ព្រមតាមសំណើតម្លៃនេះនៅឡើយទេ ។ គួររំលឹកថា កាលពីរដូវកាលមុន Rodriguez បានបង្ហាញខ្លួនតែ១៣ប្រកួតប៉ុណ្ណោះ ក្រោមការដឹកនាំរបស់លោក Zine Zidande សូម្បីតែការប្រកួតក្នុងវគ្គផ្តាច់ព្រ័ត្រឆេមពានលីគ ក៏ខ្សែបម្រើប្រយុទ្ធរូបនេះ មិនជាប់ឈ្មោះក្នុងជម្រើស១១នាក់ដំបូងផងដែរ ៕
ចែករំលែកព័តមាននេះ