ឪពុករបស់ Jose Mourinho ទទួលមរណភាពហើយ
ឪពុករបស់គ្រូបង្វឹកក្លិបបិសាចក្រហម Manchester United លោក Jose Manuel Mourinho Felix បានទទួលមរណភាពកាលពីថ្ងៃទី២៥ មិថុនា
ឪពុករបស់គ្រូបង្វឹកក្លិបបិសាចក្រហម Manchester United លោក Jose Manuel Mourinho Felix បានទទួលមរណភាពកាលពីថ្ងៃទី២៥ មិថុនា
ឪពុករបស់គ្រូបង្វឹកក្លិបបិសាចក្រហម Manchester United លោក Jose Manuel Mourinho Felix បានទទួលមរណភាពកាលពីថ្ងៃទី២៥ មិថុនា ក្នុងជន្មាយុ៧៩ឆ្នាំដោយជំងឺរលាកសួត ។ Felix ត្រូវក្រុមគ្រួសារយកទៅព្យាបាលក្នុងមន្ទីរពេទ្យឥតល្ហែតែជំងឺធ្វើទុក្ខខ្លាំងឡើងៗរយៈពេលប៉ុន្មានខែចុងក្រោយនេះ ខណៈលោកMourinho ធ្លាប់ទៅសួរសុខទុក្ខឪពុកកាលពីរដូវកាលមុន ។ ក្រោយពីទទួលដំណឹងដ៏ក្រៀមក្រំនេះលោក Jose Mourinhoបានបង្ហោះរូបថតស-ខ្មៅកាលលោកនៅក្មេងជាមួយនឹងលោក Felix ដែលបង្កប់រយលានអត្ថន័យមិនអាចបំភ្លេចបានលើបណ្តាញសង្គម Instagram ។
ប្រព័ន្ធផ្សព្វផ្សាយក្នុងស្រុកឱ្យដឹងថា ពិធីបុណ្យសពរបស់លោក Felix នឹងរៀបចំនៅថ្ងៃទី២៧ មិថុនា សប្តាហ៍នេះ ។ លោក Felix ធ្លាប់បង្ហាញវត្តមាន២៥០លើកក្នុងទីលានបាល់ទាត់ជាអ្នកចាំទីឱ្យក្រុម Vitoria Setubal និងក្លិប Belenenses និង១លើកឱ្យក្រុមជម្រើសជាតិព័រទុយហ្គាល់ ។ ក្រៅពីនេះរូបលោកក៏ធ្លាប់បង្វឹកលោក Jose Mourinho ពេលរូបគេលេងឱ្យក្លិប Belenenses ក្នុងវ័យ២០ឆ្នាំ និងក្លិបជាច្រើនទៀតនៅព័រទុយហ្គាល់ ៕
ចែករំលែកព័តមាននេះ