សហរដ្ឋអាមេរិក ៖ មនុស្សជាច្រើនសិបពាន់នាក់កាលពីថ្ងៃទី២៥ មិថុនា បាននាំគ្នាដើរហែក្បួនសម្រាប់ពួកអ្នករួមភេទដូចគ្នានៅទីក្រុងញូវយ៉ក ដោយពួកគេលើកទង់រូបឥន្ធធនូជាសញ្ញាប្រឆាំងលោកដូណាល់ ត្រាំ ហើយទាមទារឱ្យការពារបុព្វហេតុរបស់ពួកអ្នករួមភេទដូចគ្នា និងការវះកាត់ប្តូរភេទ ។
សម្រាប់ឆ្នាំទី៤៨ នេះ នៃការហែក្បួនរបស់ពួកអ្នករួមភេទដូចគ្នាអ្នកចូលរួមជាច្រើនពាន់នាក់ខ្លះដើរ ខ្លះជិះម៉ូតូ ហើយខ្លះទៀតជិះរថយន្តកាំមីញ៉ុងដង្ហែតាមមហាវិថីលេខ៥ ក្រោមការទះដៃអបអរសាទរយ៉ាងកងរំពង ។ ការហែក្បួននេះមានចម្ងាយផ្លូវ៣គីឡូម៉ែត្រ ចេញពីតំបន់អគារខ្ពស់ MIDTOWN រហូតដល់ភូមិ GREENWICH VILAGE ជាកន្លែងបង្កើតចលនាទាមទារសិទ្ធិពួកអ្នកនិយមរួមភេទដូចគ្នា ក្រោយការបះបោរនៅ STONEWALL កាលពីឆ្នាំ១៩៦៨ ។
ចំណែកនៅទីក្រុងអីុស្តង់ប៊ុលប្រទេសតួកគីឯណោះវិញ បណ្តាអ្នកចូលរួមក្នុងពិធីហែក្បួនពួកអ្នកនិយមរួមភេទដូចគ្នាត្រូវបានប៉ូលិសបំបែកដោយបាញ់គ្រាប់កៅស៊ូ ។
ក្រោមធាតុអាកាសក្តៅហែង ប៉ូលិសជាច្រើនរយនាក់សមាជិកសភាច្រើនរូបអភិបាលក្រុងញូវយ៉កលោក BILL DE BLASIO អភិបាលរដ្ឋញូវយ៉ក លោក MARIO CUOMO ឬព្រឹទ្ធសមាជិកលោក CHUCK SCHUMER សុទ្ធជាពួកអ្នកប្រជាធិបតេយ្យបានលើកគ្នាដើរហែក្បួនក្នុងទឹកមុខញញឹមរួមជាមួយមនុស្សម្នាទាំងឡាយដែលស្លៀកពាក់ស្ទើរស្រាត ។
ការដើរហែក្បួនពួកអ្នករួមភេទដូចគ្នានាឆ្នាំនេះ ពួកអ្នកចូលរួមនាំគ្នាលើកប៉ង់កាតសរសេរថា «តស៊ូឡើងពួកអ្នកប្រឆាំងនឹងលោកត្រាំ ហើយបរិហាររដ្ឋការលោកត្រាំ និងបណ្តាគម្រោងច្បាប់របស់រដ្ឋការនេះ ពិសេសគម្រោងច្បាប់ លុបចោលច្បាប់សុខភាព OBAMACARE និងទាមទារសិទ្ធិរបស់ពួកអ្នកវះកាត់ប្តូរភេទ ៕
ចែករំលែកព័តមាននេះ