យោងតាមស៊ីនហួថា នាឱកាសទិវាអន្តរជាតិប្រឆាំងការសេព និងការរត់ពន្ធគ្រឿងញៀ.នថ្ងៃទី២៦ មិថុនា អ្នកទោសរត់ពន្ធគ្រឿងញៀ.ន៣នាក់ត្រូវបានប្រហារជីវិតនៅភាគខាងត្បូងចិន ។
យោងតាមតុលាការក្រុង HUIZHOU ខេត្តក្វាងទុងថា
ចិន ៖ យោងតាមស៊ីនហួថា នាឱកាសទិវាអន្តរជាតិប្រឆាំងការសេព និងការរត់ពន្ធគ្រឿងញៀនថ្ងៃទី២៦ មិថុនា អ្នកទោសរត់ពន្ធគ្រឿងញៀន៣នាក់ត្រូវបានប្រហារជីវិតនៅភាគខាងត្បូងចិន ។
យោងតាមតុលាការក្រុង HUIZHOU ខេត្តក្វាងទុងថា មនុស្សទាំង៣នាក់នេះត្រូវប្រហារកាលពីថ្ងៃទី២២ មិថុនា ។ ពួកគេត្រូវប៉ូលិសចាប់ខ្លួនកាលពីឆ្នាំ២០១៣ និង២០១៤ ។ ប៉ូលិសរកឃើញគ្រឿងញៀនមេតំហ្វេតាមីនជាង១០គីឡូក្រាម ក្នុងរថយន្តរបស់អ្នករត់ពន្ធគ្រឿងញៀនម្នាក់កាលពីឆ្នាំ២០១៣ ។ ជននោះមានបំណងនាំគ្រឿងញៀនទាំងនេះទៅកាន់ទីក្រុងក្វាងចូវទីប្រជុំជនខេត្តក្វាងទុង ។ ចំណែកមនុស្សម្នាក់ទៀតជាអ្នកជួលផ្ទះល្វែងមួយសម្រាប់ស្តុកគ្រឿងញៀននៅស្រុក HUIDONG ដោយនៅទីនោះប៉ូលិសចាប់រឹបអូសយកបានមេតំហ្វេតាមីនគ្រាប់ជាង២៣គីឡូក្រាម។
ចំណែកជនទី៣ត្រូវចាប់ខ្លួនកាលពីឆ្នាំ២០១៤ តាមផ្លូវថ្នល់មួយទៅកាន់ក្រុងក្វាងចូវ ហើយប៉ុនប៉ងផ្តល់ប្រាក់សូកប៉ាន់ប៉ូលិស ។ សរុបមេតំហ្វេតាមីន៧,៤គីឡូក្រាម ត្រូវបានរកឃើញក្នុងរថយន្តរបស់គេ ។
សាលក្រមប្រហារជីវិតអ្នកទោសរត់ពន្ធគ្រឿងញៀនទាំង៣នាក់ត្រូវបានអនុម័តដោយតុលាការកំពូល ៕
ចែករំលែកព័តមាននេះ