រាជធានីភ្នំពេញ ៖ សេចក្តីរាយការណ៍ឱ្យដឹងថា គិតត្រឹមម៉ោង០៩ និង៤០នាទីព្រឹកថ្ងៃទី២៦ មិថុនា នេះ លោកថាច់ សេដ្ឋា ប្រធានសមាគមខ្មែរកម្ពុជាក្រោមបានដឹកនាំដង្ហែដោយមានប្រមាណជា២០នាក់ក្នុងនោះមានព្រះសង្ឃ២អង្គបាននិមន្តនិងទៅដល់រដ្ឋសភា
រាជធានីភ្នំពេញ ៖ សេចក្តីរាយការណ៍ឱ្យដឹងថា គិតត្រឹមម៉ោង០៩ និង៤០នាទីព្រឹកថ្ងៃទី២៦ មិថុនា នេះ លោកថាច់ សេដ្ឋា ប្រធានសមាគមខ្មែរកម្ពុជាក្រោមបានដឹកនាំដង្ហែដោយមានប្រមាណជា២០នាក់ក្នុងនោះមានព្រះសង្ឃ២អង្គបាននិមន្តនិងទៅដល់រដ្ឋសភា ដើម្បីបំណងដាក់ញត្តិ ក្នុងការទាមទារសុំបញ្ចូលថ្ងៃទី០៤ មិថុនា ឆ្នាំ១៩៤៩ (ជាថ្ងៃបាត់បង់ទឹកដីខ្មែរ-កម្ពុជាក្រោម) ទុកជាទិវាបុណ្យជាតិ។
សេចក្តីរាយការណ៍បន្តថា ស្របពេលនោះ ក៏បានឃើញលោក ហូ វ៉ាន់ ជាប្រធានគណៈកម្មការទី១០ និងជាតំណាងរាស្ត្រគណបក្សសង្គ្រោះជាតិ ចេញមកទទួលញត្តិ និងអនុញ្ញាតឱ្យតំណាងខាងសមាគមខ្មែរកម្ពុជាក្រោមចំនួន៦នាក់ ចូលទៅក្នុងរដ្ឋសភា ដើម្បីពិភាក្សាគ្នា ដោយមិនទាន់ដឹងពីលទ្ធផលយ៉ាងណានោះទេ ។
គួរបញ្ជាក់ថា ការដង្ហៃក្បួនដាក់ញត្តិនៅរដ្ឋសភានេះ គឺខាងសមាគមខ្មែរ-កម្ពុជាក្រោម ដែលដឹកនាំដោយលោកថាច់ សេដ្ឋា នោះ បានប្រមូលផ្តុំគ្នានៅចំណុចវត្តចាស់ ស្ថិតក្នុងខណ្ឌជ្រោយចង្វារប្រមាណជា៥០នាក់ ។ ប៉ុន្តែការដង្ហែនេះ ត្រូវបានកម្លាំងសមត្ថកិច្ចជាង១០០នាក់ចុះអន្តរាគមន៍ ដោយធ្វើការបំបែកមិនអនុញ្ញាតឱ្យហែនោះទេ ។ ទន្ទឹមនោះ ពួកគាត់បានបំបែកគ្នាជាក្រុម ដោយមួយចំនួនបានទៅដល់រដ្ឋសភាប្រមាណជា២០នាក់នេះ ។ ទោះបីជាយ៉ាងណា ស្ថិតក្នុងស្ថានភាពរញ៉េរញ៉ៃបន្តិច តែមិនបង្កឱ្យភាគីណាមួយ ផ្ទុះហិង្សានោះដែរ ។
ចែករំលែកព័តមាននេះ