រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងនៅព្រឹកថ្ងៃទី២៦ មិថុនា នេះ ស្នើសុំឲ្យគណបក្សនយោបាយទាំងអស់ អ្នកនយោបាយ ក៏ដូចជាអង្គការសង្គមស៊ីវិល ឱ្យទទួលស្គាល់លទ្ធផលបោះឆ្នោត ដែលគណៈកម្មាធិការជាតិរៀបចំការបោះឆ្នោត បានប្រកាសកាលពីម្សិលមិញ ។
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងនៅព្រឹកថ្ងៃទី២៦ មិថុនា នេះ ស្នើសុំឲ្យគណបក្សនយោបាយទាំងអស់ អ្នកនយោបាយ ក៏ដូចជាអង្គការសង្គមស៊ីវិល ឱ្យទទួលស្គាល់លទ្ធផលបោះឆ្នោត ដែលគណៈកម្មាធិការជាតិរៀបចំការបោះឆ្នោត បានប្រកាសកាលពីម្សិលមិញ ។
សម្តេចតេជោ ហ៊ុន សែន ថ្លែងនៅឯកម្មវិធីប្រគល់វិញ្ញាបនបត្រដល់សិស្សសាលាភូមិន្ទរដ្ឋបាលបានបញ្ជាក់ថា បើទោះបីជាគណបក្សកាន់អំណាចបានសាទរនឹងលទ្ធផលផ្លូវការនៃការបោះឆ្នោត ដែលបក្សប្រជាជនកម្ពុជាទទួលបានតំណែងជាមេឃុំ-ចៅសង្កាត់ចំនួន១.១៥៦អាសនៈទួទាំងប្រទេស និងកោតសសើរ គ.ជ.ប ដែលបានបំពេញការងារបានល្អប្រសើរក្តី តែអង្គការសង្គមស៊ីវិលមួយចំនួន និងបក្សខ្លះថា ការបោះឆ្នោតមិនទាន់សេរីទេ សូម្បីតែការបោះសន្លឹកឆ្នោតបន្ថែម ក៏ទទួលបានការរិះគន់ផងដែរ។
សម្តេចតេជោបានបន្តទៀតថា៖ «គណៈកម្មាធិការជាតិរៀបចំការបោះឆ្នោត នៅតែទទួលការទិតៀនពីគណបក្សនយោបាយខ្លះ អ្នកនយោបាយខ្លះ និងអង្គការខ្លះ ។ លទ្ធផលប៉ុណ្ណឹងហើយទទួលយកទៅ «កុំឡាំប៉ា» ។
សម្តេចបានបញ្ជាក់ថា រឿងឡាំប៉ា កើតឡើងឥតចេះចប់ បើទោះបីជាបរិយាកាសជាទូទៅនៃការបោះឆ្នោត មានលក្ខណៈល្អប្រសើរ និងគ្មានអំពើហិង្សា ក៏ដូចជាភាពរលូនលទ្ធផលបោះឆ្នោតក្តី ។
សម្តេចក៏បានវាយប្រហារដល់អង្គការមួយចំនួន ដែលបង្កើតជាបន្ទប់ស្ថានការណ៍ ដែលបានរិះគន់រឿងបញ្ហាទឹកខ្មៅជ្រលក់ដៃ អាចលុបបាន កាលពីឆ្នាំ២០១៣ ក៏ដូចជាបញ្ហាទឹកខ្មៅនៃការបោះឆ្នោតក្រុមប្រឹក្សាឃុំ-សង្កាត់ថ្មីៗនេះ គឺទឹកខ្មៅមិនអាចលុបបានដូចការចោទប្រកាន់នោះទេ ។
សម្តេចតេជោហ៊ុន សែន បានសង្កត់ធ្ងន់ថា ផែនការដណ្តើមព្រឹទ្ធសភា ដើម្បីបានក្លាយជាប្រធានរដ្ឋស្តីទីរបស់បក្សប្រឆាំង ពេលអវត្តមានព្រះមហាក្សត្រ វាបានផុតទៅហើយ ដោយសារតែគណបក្សសង្គ្រោះជាតិ មិនអាចឈ្នះសម្លេងបាន៦០% នៃការបោះឆ្នោតក្រុមប្រឹក្សាឃុំ-សង្កាត់ឆ្នាំ២០១៧ ។
សម្តេចតេជោបន្ថែមទៀតថា៖ «គេអត់សម្រេចផែនការ បានគេថាវាឥតសេរី ។ បន្ទប់ស្ថានការណ៍ល្មមៗបាន ហើយអស់លោក»។
សម្តេចតេជោនាយករដ្ឋមន្ត្រីបានបន្តទៀតថា៖ «ទឹកខ្មៅ (លើក្រចកដៃ) ខ្ញុំទើបកូសចេញម្សិលមិញទេ» ។ សម្តេចតេជោបានបញ្ជាក់ទៀតថា គឺរូបសម្តេចទេ ដែលបានស្នើសុំឲ្យជប៉ុន តាមរយៈទស្សនកិច្ចរបស់នាយករដ្ឋមន្ត្រីជប៉ុន ស៊ីនហ្សូ អាបេកាលពីឆ្នាំ ២០១៣ សម្រាប់ជួយធ្វើកំណែទម្រង់ការបោះឆ្នោតទាំងមូល ខណៈពេលនោះបក្សប្រឆាំងស្នើសុំត្រឹមធ្វើកំណែទម្រង់ស្ថាប័នគ.ជ.ប តែប៉ុណ្ណោះ ។
ចែករំលែកព័តមាននេះ