រាជធានីភ្នំពេញ ៖ ស្ត្រីម្នាក់រួមទាំងកូនប្រុសស្រីចំនួន២នាក់ បានបើករថយន្តចេញពីផ្ទះ គោលបំណងទៅញ៉ាំអាហារនៅម្តុំផ្សារអ៊ីអន គ្រាន់តែចុះពីរថយន្ត ស្រាប់តែជនសង្ស័យ២នាក់បានធ្វើសកម្មភាព ឆក់យកកាបូបស្ពាយបានសម្រេច ហេតុការណ៍នេះកើតឡើង នៅវេលាម៉ោង០៨និង៣០នាទីយប់ ថ្ងៃទី២៥ ខែមិថុនា ឆ្នាំ២០១៧ ជិតនឹងផ្សារទំនើបអ៊ីអន ផ្លូវបេតុង អត់លេខ សង្កាត់ទន្លេបាសាក់ ខណ្ឌចំការមន ។
រាជធានីភ្នំពេញ ៖ ស្ត្រីម្នាក់រួមទាំងកូនប្រុសស្រីចំនួន២នាក់ បានបើករថយន្តចេញពីផ្ទះ គោលបំណងទៅញ៉ាំអាហារនៅម្តុំផ្សារអ៊ីអន គ្រាន់តែចុះពីរថយន្ត ស្រាប់តែជនសង្ស័យ២នាក់បានធ្វើសកម្មភាព ឆក់យកកាបូបស្ពាយបានសម្រេច ហេតុការណ៍នេះកើតឡើង នៅវេលាម៉ោង០៨និង៣០នាទីយប់ ថ្ងៃទី២៥ ខែមិថុនា ឆ្នាំ២០១៧ ជិតនឹងផ្សារទំនើបអ៊ីអន ផ្លូវបេតុង អត់លេខ សង្កាត់ទន្លេបាសាក់ ខណ្ឌចំការមន ។
ជនរងគ្រោះសុំមិនបញ្ចេញឈ្មោះ គ្រាន់តែឲ្យដឹងថា របស់ដែលបាត់បង់ក្នុងកាបូបស្ពាយមាន ខ្សែ.កផ្លាកទីនមួយខ្សែ ទូរស័ព្ទស៊េរីទំនើបមួយគ្រឿង លិខិតឆ្លងដែន២សន្លឹក ព្រមទាំងលុយមួយចំនួន និងឯកសារផ្សេងទៀត ។ តាមសម្ដីស្ត្រីជាម្តាយបានឲ្យដឹងថា មុនពេលកើតហេតុ ពួកគាត់មានគ្នាបីនាក់ កូនប្រុសម្នាក់ និងស្រីម្នាក់ បានបើករថយន្តមួយគ្រឿងចេញពីផ្ទះនៅម្តុំទួលសង្កែ ខណ្ឌឬស្សីកែវ គោលបំណងមកញ៉ាំអាហារនៅហាងមួយកន្លែងជិតផ្សារទំនើបអ៊ីអន ដែលស្ថិតនៅសង្កាត់ទន្លេបាសាក់ ខណ្ឌចំការមន ដោយបានធ្វើដំណើរតាមផ្លូវបេតុងក្រោយនឹងផ្សារទំនើបអ៊ីអន ក្នុងទិសដៅពីជើងទៅត្បូង ខណៈមកដល់ចំណុចកើតហេតុ មុខហាង កូនស្រីរបស់គាត់ បានស្ពាយកាបូបចុះពីរថយន្ត ក៏ស្រាប់តែមាន ជនសង្ស័យចំនួន២នាក់ បានជិះម៉ូតូម៉ាក Suzuki Nex មួយគ្រឿង មិនចាំស្លាកលេខ បានជិះមកជិត រួចក៏បានធ្វើសកម្មភាព ឆក់ការបូបស្ពាយ ពីកូនស្រីរបស់គាត់បានសម្រេច រួចបានបន្ថែមល្បឿនរត់គេចខ្លួនបាត់ស្រមោល ។ ជនរងគ្រោះបានបន្តទៀតថា ក្នុងហេតុការណ៍នេះ បងប្អូនប្រជាពលរដ្ឋជាច្រើននាក់ បានឃើញសកម្មភាពរបស់ជនសង្ស័យទាំងនោះ តែពួកគាត់ទាំងនោះមិនហ៊ានដេញតាមនោះទេ ។
ក្រោយពេលកើតហេតុ ឃើញសមត្ថកិច្ចមូលដ្ឋានបានចុះទៅកន្លែងកើតហេតុ រួចហើយបាននាំជនរងគ្រោះយកទៅសាកសួរ និងដាក់ពាក្យបណ្តឹងនៅប៉ុស្តិ៍នគរបាលទន្លេបាសាក់ ៕
ចែករំលែកព័តមាននេះ