កន្លងមក បានកត់សម្គាល់ឃើញយ៉ាងពិតប្រាកដថា គណបក្សកាន់អំណាចធ្លាក់សំឡេងខ្លាំង…បាត់បង់ការឈ្នះតាមរយៈការបោះឆ្នោតក្នុងរាជធានីភ្នំពេញ…មានមូលហេតុច្រើនយ៉ាង…ខ្លះតូច ខ្លះធំ បូកផ្សំគ្នាទៅ…ខឹងមិនឈប់ទេ…ខឹងរហូតដល់ស្រែកជេររដ្ឋអំណាចក្រុងក៏មានច្រើនដងដែរ…។
កន្លងមក បានកត់សម្គាល់ឃើញយ៉ាងពិតប្រាកដថា គណបក្សកាន់អំណាចធ្លាក់សំឡេងខ្លាំង…បាត់បង់ការឈ្នះតាមរយៈការបោះឆ្នោតក្នុងរាជធានីភ្នំពេញ…មានមូលហេតុច្រើនយ៉ាង…ខ្លះតូច ខ្លះធំ បូកផ្សំគ្នាទៅ…ខឹងមិនឈប់ទេ…ខឹងរហូតដល់ស្រែកជេររដ្ឋអំណាចក្រុងក៏មានច្រើនដងដែរ…។
តាមការស្ទាបស្ទង់គ្រប់ទីកន្លែង…រឿងទឹកលិច រឿងផ្លូវមិនល្អ…អាជ្ញាធរក្រុងកំពុងប្រយុទ្ធធ្វើជាប់…មិនខឹងខ្លាំងទេ…។ រឿងភ្លើងបំភ្លឺតាមដងផ្លូវ…ធ្វើមែន ប៉ុន្តែយឺតដូចដង្កូវបាក់ខ្នងខឹងម្តងៗ…។ រឿងស្ទះចរាចរណ៍គ្រប់ពេលវេលា…ក្លាយជាវប្បធម៌ដ៏ល្បីល្បាញរួចទៅហើយ…មិនមែនមិនខឹងទេ…នឹកឡើងខឹងណាស់…។ រឿងប្រញាប់យកមុខមាត់ទីក្រុងស្អាត…ទៅដេញ ទៅរុះរើការលក់ដូរហៀរចិញ្ចើមផ្លូវ…យកលុយប្រចាំខែហើយ…អ្នកថ្មីដេញទៀត…ចែកគ្នារស់…អាហ្នឹងខឹងមិនតិចទេ…។ សូមកុំអាលប្រញាប់ដេញពេក ព្រោះអាជីវករនៅក្រីក្រ…។ បើមិនដាក់ហៀរម៉េចហៅថាហាង ?…ខាងលើនេះជារឿងកំបិុកកំប៉ុកទេ…ប៉ុន្តែបូកទៅធំគ្រាន់បើ ។
ចំណែកអារឿងធំ…ច្រើនអាណត្តិដោះស្រាយមិនចេញ គឺរឿងក្រុមហ៊ុនប្រមូលសំរាម…។ក្រុមអ្នកខឹងគ្រប់តំបន់និយាយថា…ដាច់ខែដឹងតែប្រមូលលុយ…ដើរកត់ត្រាយកលុយប្រចាំខែស្រេចតែចិត្ត…ក្តៅណាស់ ! តំបន់ខ្លះមួយអាទិត្យប្រមូលសំរាមម្តង…ខ្លះ២ដង…ទុកឱ្យឆ្កែហែកពង្រាយ…ប៉ុន្តែដាច់ខែដឹងតែពីលុយ…។ គេយកច្បាប់កំណត់ប្រាក់ថ្លៃសំរាមប្រចាំខែ មិនដឹងពីជំនាន់ណាមកទេ…ទារថ្លៃស្រេចតែក្រុមហ៊ុន…បើមិនបង់ គេយកឈ្មោះមេធាវីអន្តរជាតិ(មិនមែនអន្តរធានទេ) ធ្វើពាក្យកោះហៅទៅសួរចម្លើយ…ហេ ! ហេ !
មានរឿងមួយទៀតជារឿងធំមហាធំ…គឺរឿងក្រុមហ៊ុនឯកជនដែរ ដើរប្រមូលប្រាក់ថ្លៃប៉ាណូផ្សាយពាណិជ្ជកម្ម…វាស់ម៉ែត្រការ៉េគិតចេញជាដុល្លារយ៉ាងរំភើយ…។ រឿងមួយនេះក្តៅក្រហាយក្រហល់ពេញរាជធានី…។
មតិនានានិយាយថា…ឆ្ងល់ណាស់ម៉េចក៏រដ្ឋមិនធ្វើដើម្បីចំណូលរដ្ឋ ?…លុយនៅលើគោក ម៉េចក៏ទុកឱ្យឯកជនធ្វើព្យុះភ្លៀងយ៉ាងនេះ ?
ឱ ! បក្សកាន់អំណាចអើយ…លុបអា២គ្រឿងខាងលើនេះចេញទៅ…ប្រមូលប្រាក់ចូលរដ្ឋវិញ គិតថាប្រហែលគ្មានកំហឹងទេ ព្រោះបានចូលរដ្ឋ…។ «កុំឱ្យគេថារដ្ឋក្រមកពីខ្ជិល» ។
មតិខ្លះនិយាយថា…បើរដ្ឋប្រមូលដើម្បីចូលរដ្ឋ…ទោះលើសខ្វះក៏ដើម្បីរដ្ឋដែរ…ជួយរដ្ឋដូចថ្លៃលក់ផ្លាកលេខយានយន្តជាដើម…មាននរណាថាអី !…ប៉ុន្តែចូលឯកជនបែបនេះ…សង្ស័យ…«ក្អែកចែកតាវៅ» ទើបគ្មានដំណោះស្រាយ…ក្តៅអីក្តៅទៅ…ព្រោះលុយធំ…។
អាធំ២គ្រឿងនេះ…គេចាប់ដាក់…អត់មានដេញថ្លៃទេ…បានជាកាប់ឆៅក្តៅក្រហាយពេញក្រុងយ៉ាងនេះ ៕
ចែករំលែកព័តមាននេះ