ខេត្តកំពង់ស្ពឺ ៖ មុខសញ្ញាជួញដូរថ្នាំញៀន២នាក់ ដែលតែងតែធ្វើសកម្មភាពចែកចាយនៅក្នុងភូមិសាស្ត្រស្រុកសំរោងទង ត្រូវបានសមត្ថកិច្ចឃាត់ខ្លួន ព្រមទាំងដកហូតវត្ថុតាងម្សៅសថ្កា មួយចំនួនធំ ។ សមត្ថកិច្ចបានកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមផ្លូវច្បាប់ ។
ខេត្តកំពង់ស្ពឺ ៖ មុខសញ្ញាជួញដូរថ្នាំញៀន២នាក់ ដែលតែងតែធ្វើសកម្មភាពចែកចាយនៅក្នុងភូមិសាស្ត្រស្រុកសំរោងទង ត្រូវបានសមត្ថកិច្ចឃាត់ខ្លួន ព្រមទាំងដកហូតវត្ថុតាងម្សៅសថ្កា មួយចំនួនធំ ។ សមត្ថកិច្ចបានកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមផ្លូវច្បាប់ ។
លោកអនុសេនីយ៍ឯក មិច សុភាន់ អធិការរងនគរបាលស្រុកសំរោងទង បានឲ្យដឹងថា ក្នុងចំណោមមុខសញ្ញាដែលសមត្ថកិច្ចរបស់លោកឃាត់បាន មានម្នាក់ត្រូវបានតុលាការចេញដីការឲ្យសមត្ថកិច្ចចាប់ខ្លួនផងដែរ ។ លោកអធិការបន្តថា មុខសញ្ញាទាំង២ត្រូវបានកម្លាំងរបស់លោកឃាត់ខ្លួន កាលពីរសៀលថ្ងៃទី២៤ ខែមិថុនា ឆ្នាំ២០១៧ ដោយកម្លាំងផ្នែកគ្រឿងញៀន និងផ្នែកព្រហ្មទណ្ឌស្រុកចំណុចខាងកើតភូមិថ្មសំលៀង ឃុំត្រពាំងគង ស្រុកសំរោងទង ដែលឃាត់បានរួមមាន ១.ឈ្មោះ ខេង ភារី ភេទប្រុស អាយុ៣២ឆ្នាំ រស់នៅភូមិព្រៃចំការ ឃុំលំហាច ស្រុកអង្គស្នួល ខេត្តកណ្ដាល (មានដីការចាប់ខ្លួន) ២.ឈ្មោះ ហួន គឹមហេង ភេទប្រុស អាយុ១៧ឆ្នាំ រស់នៅភូមិកែវឧត្ដម ឃុំត្រពាំងគង ស្រុកសំរោងទង នឹងធើ្វការដកហូតម្សៅក្រាម ពណ៌ស ចំនួន១៦កញ្ចប់ធំតូច និងម៉ូតូ១គ្រឿងម៉ាក Honda Dream ពណ៍ខ្មៅ គ្មានស្លាកលេខ រួមនិងទូរស័ព្ទដៃ២គ្រឿង ។
បន្ទាប់ពីឃាត់ខ្លួន ព្រមទាំងដកហូតវត្ថុតាងរួចមក សមត្ថកិច្ចបានកសាងសំណុំរឿងដើម្បីបញ្ជូនបន្តទៅកាន់ការិយាល័យប្រឆាំងគ្រឿងញៀន រៀបចំឯកសារបញ្ជូនទៅកាន់សាលាដំបូងខេត្តចាត់ការបន្តតាមនីតិវិធី ។
ចែករំលែកព័តមាននេះ