រាជធានីភ្នំពេញ ៖ បុរសជនសង្ស័យម្នាក់ត្រូវបានកម្លាំងនគរបាលប៉ុស្តិ៍ទួលស្វាយព្រៃទី១ ធ្វើការឃាត់ខ្លួន ក្រោយពីរូបគេបានធ្វើសកម្មភាពលួចយកម៉ូតូម៉ាកសង់កូរ៉េមួយគ្រឿងដែលចតទុកនៅខាងមុខផ្ទះដោយមិន
រាជធានីភ្នំពេញ ៖ បុរសជនសង្ស័យម្នាក់ត្រូវបានកម្លាំងនគរបាលប៉ុស្តិ៍ទួលស្វាយព្រៃទី១ ធ្វើការឃាត់ខ្លួន ក្រោយពីរូបគេបានធ្វើសកម្មភាពលួចយកម៉ូតូម៉ាកសង់កូរ៉េមួយគ្រឿងដែលចតទុកនៅខាងមុខផ្ទះដោយមិនបានដកកូនសោចេញ ហើយក៏ឡើងជិះ និងសញ្ឆេះជិះរត់តែត្រូវម្ចាស់ឃើញទាន់ ដេញចាប់បាន និងនាំគ្នាវាយម្នាក់មួយដៃមួយជើងឡើងទ្រមខ្លួនទើបប្រគល់ឱ្យកម្លាំងមានសម្ថកិច្ច។ ហេតុការណ៍នេះដែរបានកើតឡើងកាលពីវេលាម៉ោង១ និង៣០នាទីរសៀល ថ្ងៃទី២៣ ខែមិថុនា ឆ្នាំ២០១៧ នៅចំណុចមុខផ្ទះលេខ៩០Eo ផ្លូវលេខ៣២៨ ក្នុងសង្កាត់ទួលស្វាយព្រៃទី១ ខណ្ឌចំការមន។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជនសង្ស័យដែលបានឃាត់ខ្លួនមានឈ្មោះ ម៉ុង វិចិត្រ អាយុ២១ឆ្នាំ មុខរបរកម្មករសំណង់ មានទីលំនៅក្នុងសង្កាត់គោករកា ខណ្ឌព្រែកព្នៅ។ បុរសរងគ្រោះឈ្មោះ ខន ចន្ទ័ពន្លឺ អាយុ៣២ឆ្នាំ មុខរបរលក់បបរ ស្នាក់នៅផ្ទះកើតហេតុខាងលើ។ មុនពេលកើតហេតុ បុរសរងគ្រោះបានយកម៉ូតូម៉ាក សង់កូរ៉េ ពណ៌ខ្មៅ ពាក់ស្លាកលេខ ភ្នំពេញ ១FK-៧៣២១ មួយគ្រឿងចតនៅខាងមុខផ្ទះរបស់ខ្លួន ដោយមិនបានដកកូនសោចេញពីម៉ូតូឡើយ ហើយក៏បានចូលទៅក្នុងផ្ទះរៀបចំឆ្នាំចាន ក៏ស្រាប់តែឮសំឡេងបញ្ឆេះម៉ូតូ។
តាមប្រភពដដែលបានប្រាប់ឱ្យដឹងថា ពេលនោះបុរសជាជនរងគ្រោះក៏បានរត់ចេញមកក្រៅក៏ស្រាប់តែបានឃើញបុរសម្នាក់ជិះម៉ូតូរបស់ខ្លួន ហើយក៏ស្រែក ចោរៗ ធ្វើឲ្យឆោឡោឡើង និងនាំគ្នាដេញតាមរហូតចាប់បានវាយម្នាក់មួយដៃមួយជើងឡើងទ្រមខ្លួន ទើបប្រគល់ឲ្យកម្លាំងមានសម្ថកិច្ច។ ក្រោយពេលកើតហេតុ ម៉ូតូសង់កូរ៉េមួយគ្រឿងនោះត្រូវបានប្រគល់ទៅឲ្យបុរសរងគ្រោះជាម្ចាស់វិញ ចំណែកឯបុរសជនសង្ស័យ ត្រូវបានកសាងសំណុំរឿងបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត៕
ចែករំលែកព័តមាននេះ