អ្នកនេសាទម្នាក់ធ្លាក់ពីលើទូកបា.ត់ខ្លួនអស់២ថ្ងៃតែនៅរស់ ដោយសារធ្វើរឿងមួយ
ប្រេស៊ីល ៖ អ្នកនេសាទម្នាក់ដែលបាត់ខ្លួនអស់រយៈពេល២ថ្ងៃ បន្ទាប់ពីធ្លាក់ពីលើទូករបស់គាត់នៅ
ប្រេស៊ីល ៖ អ្នកនេសាទម្នាក់ដែលបាត់ខ្លួនអស់រយៈពេល២ថ្ងៃ បន្ទាប់ពីធ្លាក់ពីលើទូករបស់គាត់នៅ
ប្រេស៊ីល ៖ អ្នកនេសាទម្នាក់ដែលបាត់ខ្លួនអស់រយៈពេល២ថ្ងៃ បន្ទាប់ពីធ្លាក់ពីលើទូករបស់គាត់នៅសមុទ្រប្រេស៊ីល ត្រូវបានគេប្រទះឃើញនៅរស់រានមានជីវិត ដោយសារគាត់តោងជាប់នៅលើបង្គោលផ្លាកសញ្ញា។
លោក David Soares វ័យ ៤៣ឆ្នាំ ត្រូវបានជួយសង្គ្រោះដោយអ្នកនេសាទម្នាក់ ២ថ្ងៃក្រោយពេលទូករបស់គាត់ត្រូវបានគេឃើញរសាត់អណ្តែតនៅក្នុងមហាអាត្លង់ទិក។
បុរសមានជីវិតថ្លៃរូបនេះបានប្រាប់ប្រព័ន្ធផ្សព្វផ្សាយក្នុងស្រុកថា លោកបានធ្លាក់ពីទូកនេសាទរបស់គាត់ និងបានហែលទឹកអស់រយៈពេល ៤ម៉ោងមុនពេលគាត់បានជួបបង្គោលមួយ និងបានតោងលើវា។
មុនពេលធ្លាក់ពីលើទូក គាត់បានបើកទូកចេញដំណើរម្នាក់ឯងពីឆ្នេរ Atafona ស្ថិតនៅភាគខាងជើងនៃរដ្ឋ Rio de Janeiro កាលពីថ្ងៃទី ២៥ ខែធ្នូ ដើម្បីនេសាទ។
លោកប្រាប់កាសែត G1 ដូច្នេះថា «សម្រាប់ខ្ញុំ ១០នាទីដំបូងជាពេលវេលាដ៏លំបាកបំផុត ពីព្រោះខ្ញុំចង់ហែលត្រឡប់ទៅរកទូកវិញ» ប៉ុន្តែចរន្តទឹកខ្លាំងពេក ដែលធ្វើឱ្យគាត់មិនអាចទៅដល់ទូកវិញ។
នៅពេលដឹងថា គាត់មិនអាចហែលត្រឡប់ទៅទូកវិញបាន គាត់បានដោះអាវ និងខោរបស់គាត់ ដោយសារវាបន្ថែមទម្ងន់ដល់លោក និងធ្វើឱ្យខ្លួនរសាត់តាមចរន្តទឹក។
លោកនិយាយថា «ទឹកមានរលកខ្លាំង និងមានខ្យល់ខ្លាំង … ដូច្នេះខ្ញុំសម្រេចចិត្តឱ្យខ្លួនរបស់ខ្ញុំអណ្តែតតាមចរន្ត ដើម្បីឱ្យខ្ញុំប្រើថាមពលតិច»។
ក្រោយពេលធ្វើបែបនេះអស់រយៈពេល ៤ម៉ោង គាត់បានទៅដល់បង្គោលផ្លាកសញ្ញាមួយក្បែរកំពង់ផែ Acu និងបានឡើងតោងលើបង្គោលនោះ។
គាត់រម្លឹកថា «ខ្ញុំគិតថា ខ្ញុំនឹងស្លា.ប់មុនពេលមានគេមកជួយ»។
គាត់បានចំណាយពេល ២ថ្ងៃនៅតោងលើបង្គោលនោះ មុនពេលត្រូវបានប្រទះឃើញដោយអ្នកនេសាទម្នាក់ដែលបានចេញទូកដើម្បីរកគាត់ ក្រោយពេលគ្រួសាររបស់លោកប្រកាសអាសន្នពីការបាត់សមាជិក៕ (យោងតាមប្រភព៖ BBC)
ចែករំលែកព័តមាននេះ