ឈររេរាៗជាប់ខ្នោះ..!
រាជធានីភ្នំពេញ ៖ បុរសជនសង្ស័យរក្សាទុក និងប្រើប្រាស់គ្រឿងញៀ.នម្នាក់ត្រូវបានកម្លាំងនគរបាលប៉ុស្តិ៍ផ្សារដើមថ្កូវធ្វើការចាប់ឃាត់ខ្លួន
រាជធានីភ្នំពេញ ៖ បុរសជនសង្ស័យរក្សាទុក និងប្រើប្រាស់គ្រឿងញៀ.នម្នាក់ត្រូវបានកម្លាំងនគរបាលប៉ុស្តិ៍ផ្សារដើមថ្កូវធ្វើការចាប់ឃាត់ខ្លួន
រាជធានីភ្នំពេញ ៖ បុរសជនសង្ស័យរក្សាទុក និងប្រើប្រាស់គ្រឿងញៀនម្នាក់ត្រូវបានកម្លាំងនគរបាលប៉ុស្តិ៍ផ្សារដើមថ្កូវធ្វើការចាប់ឃាត់ខ្លួន ខណៈដែលធ្វើការល្បាតនៅក្នុងភូមិសាស្ត្ររបស់ខ្លួនហើយឃើញរូបគេកំពុងតែឈរ និងមានការសង្ស័យក៏ហៅធ្វើការសួរនាំ និងធ្វើការឆែកឆេរឃើញថ្នាំញៀននៅក្នុងកញ្ចប់បារីចំនួន៤កញ្ចប់នោះ ។ ការចាប់ឃាត់ខ្លួននេះដែរបានធ្វើឡើងកាលពីវេលាម៉ោង១១និង៣០នាទីព្រឹក ថ្ងៃទី២៤ ខែមិថុនា ឆ្នាំ២០១៧ នៅចំណុចខាងមុខផ្ទះគ្មានលេខ ច្រកឌឿងហែម ផ្លូវព្រះមុនីវង្ស ក្នុងសង្កាត់ផ្សារដើមថ្កូវ ខណ្ឌចំការមន ។
តាមប្រភព័ត៌មានពីនគរបាលបានប្រាប់ឱ្យដឹងថា បុរសជនសង្ស័យដែលបានឃាត់ខ្លួនមានឈ្មោះ ទី វ័ន្ត អាយុ២៤ឆ្នាំ មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវលំ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ។ មុនពេលកើតហេតុកម្លាំងនគរបាលប៉ុស្តិ៍ផ្សារដើមថ្កូវបាននាំគ្នាជិះម៉ូតូធ្វើការដើរល្បាតនៅក្នុងភូមិសាស្ត្ររបស់ខ្លួន លុះមកដល់ចំណុចខាងលើក៏បានប្រទះឃើញជនសង្ស័យម្នាក់ខាងលើកំពុងតែឈររេរាៗដោយមានការសង្ស័យក៏ហៅសួរនាំ និងធ្វើការឆែកឆេរកឃើញថ្នាំញៀនប្រភេទម្សៅក្រាមពណ៌សថ្លាចំនួន៣កញ្ចប់លាក់ទុកនៅក្នុងកញ្ចប់បារីក្នុងហោប៉ៅក៏ធ្វើការឃាត់ខ្លួនតែម្តង ។
ក្រោយពេលឃាត់ខ្លួនបុរសជាជនសង្ស័យរក្សាទុក និងប្រើប្រាស់គ្រឿងញៀនម្នាក់ខាងលើរួមទាំងថ្នាំញៀនទាំង៣កញ្ចប់ជាវត្ថុតាងក៏បាននាំមកធ្វើការសាកសួរ និងកំណត់ហេតុនៅប៉ុស្តិ៍នគរបាលផ្សារដើមថ្កូវដើម្បីបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ