ផ្អើលឈូឆរសមត្ថកិច្ចផ្ទុះអាវុធជាច្រើនគ្រាប់
រាជធានីភ្នំពេញ ៖ ស្នូរអាវុធជាច្រើនគ្រាប់បានបន្លឺឡើងដែលប្រភពបានអះអាងថា ជាការបា.ញ់ដេញតាមចាប់មុខសញ្ញាគ្រឿងញៀ.នពីសំណាក់សមត្ថកិច្ចផ្នែកអន្តរាគមន៍នៃអធិការដ្ឋាននគរបាល
រាជធានីភ្នំពេញ ៖ ស្នូរអាវុធជាច្រើនគ្រាប់បានបន្លឺឡើងដែលប្រភពបានអះអាងថា ជាការបាញ់ដេញតាមចាប់មុខសញ្ញាគ្រឿងញៀនពីសំណាក់សមត្ថកិច្ចផ្នែកអន្តរាគមន៍នៃអធិការដ្ឋាននគរបាលខណ្ឌមានជ័យបង្កឱ្យមានការភ្ញាក់ផ្អើលនៅវេលាយប់ថ្ងៃទី២៤ ខែមិថុនា ឆ្នាំ២០១៧ នៅចំណុចសំណង់អាណាធិបតេយ្យ ផ្លូវ៦០ម៉ែត្រ ក្នុងសង្កាត់ចាក់អង្រែលើ ខណ្ឌមានជ័យ ។
ប្រភពព័ត៌មានពីប្រជាពលរដ្ឋនៅក្បែរទីតាំងកើតហេតុបានប្រាប់កោះសន្តិភាពថា នៅវេលាខាងលើពួកគាត់បានឮស្នូរអាវុធចំនួន៣គ្រាប់បានបន្លឺឡើង ។ ក្រោយឮដូច្នោះពួកគាត់បាននាំគ្នាចេញមកមើលក៏ឃើញមានសមត្ថកិច្ចឈូរឆរនៅលើផ្លូវ៦០ម៉ែត្រក្នុងនោះក៏បានឃាត់ខ្លួនមនុស្ស២នាក់ផងដែរ រួមជាមួយម៉ូតូមួយគ្រឿង ប៉ុន្តែត្រូវបានដោះលែងទៅវិញភ្លាមៗផងដែរ ។
លោកវរសេនីយ៍ តេង ស៊ីណូ អធិការនគរបាលខណ្ឌមានជ័យបញ្ជាក់ប្រាប់កោះសន្តិភាពតាមទូរស័ព្ទនាព្រឹកថ្ងៃទី២៥ ខែមិថុនា នេះឱ្យដឹងថា ពិតជាមានករណីផ្ទុះអាវុធប្រាកដមែនពីសំណាក់កម្លាំងនគរបាលផ្នែកអន្តរាគមន៍ ប៉ុន្តែលោកមិនទាន់ដឹងថា ជាករណីបាញ់ដើម្បីតាមចាប់ជនគ្រឿងញៀន ឬក៏បាញ់ក្នុងគោលដៅអ្វីឱ្យប្រាកដនោះទេ ខណៈនេះលោកកំពុងហៅកូនចៅមកសួរនាំ ៕
ចែករំលែកព័តមាននេះ