ចាប់ផ្តើមជីករំលាយភ្នំក្បែរព្រំដែនថៃ(មានវីដេអូ)
ខេត្តប៉ៃលិន ៖ រហូតមកដល់ពេលនេះមានសេចក្តីរាយការណ៍ឱ្យដឹងថា ក្រុមឈ្មួញកំពុងតែធ្វើសកម្មភាពយកគ្រឿងចក្រទៅជីកកកាយដីភ្នំមួយកន្លែង
ខេត្តប៉ៃលិន ៖ រហូតមកដល់ពេលនេះមានសេចក្តីរាយការណ៍ឱ្យដឹងថា ក្រុមឈ្មួញកំពុងតែធ្វើសកម្មភាពយកគ្រឿងចក្រទៅជីកកកាយដីភ្នំមួយកន្លែង
ខេត្តប៉ៃលិន ៖ រហូតមកដល់ពេលនេះមានសេចក្តីរាយការណ៍ឱ្យដឹងថា ក្រុមឈ្មួញកំពុងតែធ្វើសកម្មភាពយកគ្រឿងចក្រទៅជីកកកាយដីភ្នំមួយកន្លែង ដឹកលក់យ៉ាងគគ្រឹកគគ្រេងដោយគ្មានការហាមឃាត់ពីអាជ្ញាធរមូលដ្ឋាន ឬមន្ទីរពាក់ព័ន្ធណាឡើយ ។ មើលទៅភ្នំដែលជាតំបន់អភិរក្សនឹងរលាយសាបសូន្យអស់ជាក់ជាមិនខាន ។ ហេតុការណ៍ជីកកកាយដីភ្នំលក់នេះបានកើតឡើងកាលពីព្រឹកថ្ងៃទី២៤ ខែមិថុនា ឆ្នាំ២០១៧ ស្ថិតនៅក្បែរព្រំដែនកម្ពុជា-ថៃ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រជាពលរដ្ឋបានចង្អុលបង្ហាញឱ្យដឹងថា មានឈ្មួញ១ក្រុមបានយកគ្រឿងចក្រអេស្កាវ៉ាទ័រទៅជីកកកាយដីភ្នំដឹកតាមរថយន្តជាច្រើនគ្រឿងយកទៅលក់នៅតាមភូមិ ជាហេតុធ្វើឱ្យខូចទ្រង់ទ្រាយភ្នំដែលជាកេរតំណែលរបស់ដូនតាតាំងពីយូរលង់ណាស់មកហើយ ។ ប្រភពបន្តទៀតថា បើសិនជាសកម្មភាពជីកកកាយដីភ្នំដឹកលក់នៅតែបន្តបែបនេះមើលទៅភ្នំជាច្រើននៅក្នុងភូមិខាងលើនឹងបាត់បង់រូបរាងហើយថែមទាំងបាត់បង់អស់ សោភ័ណភាពថែមទៀតផង ។ ពួកគាត់ពិតជាមានការសោកស្តាយយ៉ាងខ្លាំងចំពោះដីភ្នំដែលមានព្រៃឈើ បញ្ចេញសម្រស់ខៀវស្រងាត់មើលទៅស្រស់បំព្រងគួរជាទីទាក់ទាញភ្នែកភ្ញៀវទេសចរជាតិ និងអន្តរជាតិ ដែលមកលេងក្នុងទឹកដីខេត្តប៉ៃលិន លុះគេឃើញបែបនេះនឹងរិះគន់ដល់ពលរដ្ឋយើងថាមិនចេះការពារ ។ ប្រភពបញ្ជាក់ទៀតថា បើគេក្រឡេកមើលទៅទិសខាងលិចមើលទៅភ្នំក្នុងប្រទេសថៃគ្មានកន្លែងណាមួយត្រូវបានឈ្មួញជីកកកាយដូចភ្នំនៅក្នុងទឹកដីខេត្តនេះឡើយហើយក៏មានទេសភាពគួរឱ្យចង់គយគន់ផងដែរ ។
ចំណែកភ្ញៀវទេសចរដែលធ្វើដំណើរចេញចូលមកលេងប្រទេសកម្ពុជាតាមច្រកទ្វារអន្តរជាតិព្រំបាននិយាយថា ពួកគេពិតជាមានការសោកស្តាយ ខណៈឃើញប្រជាពលរដ្ឋខ្មែរមួយចំនួនអត់ចេះស្រឡាញ់ធម្មជាតិដែលជារបស់មានតម្លៃបំផុតសម្រាប់ជីវិតរបស់មនុស្សសត្វគ្រប់ប្រភេទ ។ ពួកគេបន្តទៀតថា នៅថ្ងៃអនាគតបើអស់ព្រៃភ្នំនោះនឹងបង្កឱ្យក្លាយទៅជា គ្រោះធម្មជាតិរាំងស្ងួត និងទឹកជំនន់ជាក់ជាមិនខានព្រោះអស់ព្រៃឈើដែលតែងតែផ្តល់លំនឹងអាកាសធាតុឱ្យក្លាយទៅជាប្រែប្រួលអស់រលីងរដូវប្រាំងហួតហែង រីឯរដូវវស្សាវិញបែរទៅជាគ្មានភ្លៀងធ្លាក់ ៕
ចែករំលែកព័តមាននេះ