យោងតាមតុល្យការចុងក្រោយមួយរបស់ភ្នាក់ងារជួយសង្គ្រោះចេញផ្សាយនាថ្ងៃទី២៤ មិថុនា ថា មនុស្ស១១នាក់បានត្រូវស្លាប់ ហើយមនុស្សមួយចំនួនទៀតរងរបួសក្រោយការផ្ទុះកាលពីថ្ងៃទី២៣ មិថុនា ក្នុងអណ្តូងរ៉ែ ធ្យូងថ្មខុសច្បាប់មួយនាភាគកណ្តាលប្រទេសកូឡុំប៊ី ។
យោងតាមទីភ្នាក់ងារអណ្តូងរ៉ែជាតិ ANM ថា គ្រោះថ្នាក់នេះកើតមានដោយសារការផ្ទុះមេតានក្នុងអណ្តូងរ៉ែធ្យូងថ្មខុសច្បាប់ស្ថិតក្នុងសង្កាត់ CUCUNUBA ខេត្ត CUNDINAMARCA ចម្ងាយប្រមាណជា៩០គីឡូម៉ែត្រ ពីទីក្រុងបូហ្គោតា ។ តុល្យការមុននេះរៀបរាប់ពីមនុស្សស្លាប់៨នាក់ និងបាត់ខ្លួន៥នាក់ រួចតាមតុល្យការថ្មីក្រៅពីអ្នកស្លាប់១១នាក់ និងរបួសម្នាក់ កម្មកររ៉ែ២នាក់នៅតែបាត់ខ្លួន ។
យោងតាមលោក WILSON GARCIA នាយកកងឯកភាពរដ្ឋបាលពិសសេសទទួលបន្ទុកគ្រប់គ្រងគ្រោះថ្នាក់ និងគ្រោះមហន្តរាយធម្មជាតិ ខេត្ត CUNDINAMARCA ថា ការផ្ទុះកើតមាននាថ្ងៃទី២៣ មិថុនា វេលាម៉ោង១៦និង៣០នាទីម៉ោងក្នុងស្រុក ៕
ចែករំលែកព័តមាននេះ