យោងតាមការរាប់របស់ AFP មុនពេលបុណ្យ EID-EL-FITR កំណត់ពីការបញ្ចប់ខែរ៉ាម៉ាដាននៅអាហ្វហ្គានីស្ថានបង្ហាញថា មនុស្សយ៉ាងតិច២០០នាក់ស្លាប់ ពិសេសជនស៊ីវិល ហើយមនុស្ស៧០០នាក់ទៀតរងរបួស ដោយសារអំពើហិង្សាក្នុងរដូវបុណ្យសំខាន់របស់អ៊ិស្លាមនេះ ។
ខែរ៉ាម៉ាដានចាប់ផ្តើមពីថ្ងៃទី២៧ ឧសភា មក នៅអាហ្វហ្គានីស្ថានកំណត់ជាពិសេសតាមរយៈការវាយប្រហារភេរវកម្មប្រើរថយន្តផ្ទុកគ្រឿងផ្ទុះមួយនៅកណ្តាលក្រុងកាប៊ុលនាថ្ងៃទី៣១ ឧសភា ។
ការវាយប្រហារនោះក្នុងសង្កាត់ការទូតនៃរដ្ឋធានីអាហ្វហ្គានីស្ថានជាការវាយប្រហារយ៉ាងបង្ហូរឈាមក្នុងក្រុងកាប៊ុលពុំធ្លាប់មានចាប់តាំងពី១៦ឆ្នាំមកហើយ ដែលបណ្តាលឱ្យមនុស្សស្លាប់យ៉ាងតិច១៥០នាក់ សុទ្ធតែជាជនជាតិអាហ្វហ្គានីស្ថាន ហើយមនុស្សប្រមាណជា៤០០នាក់រងរបួស ។ ២ថ្ងៃបន្ទាប់ពីនេះគឺនាថ្ងៃទី២ មិថុនា ជនអត្តឃាត៣នាក់ បានធ្វើឱ្យផ្ទុះនៅក្នុងពិធីបុណ្យសពមួយបណ្តាលឱ្យមនុស្សស្លាប់៧នាក់ ។
ការប្រទូស្តរ៉ាយនានាចាប់ផ្តើមតាំងពីថ្ងៃដំបូងនៃរដូវបុណ្យរ៉ាម៉ាដានជាមួយការបំផ្ទុះនៅទីក្រុងខូស្តនូវរថយន្តផ្ទុកគ្រឿងផ្ទុះមួយពីសំណាក់ពួកតាលីបង់សំដៅលើកងជីវពលមូលដ្ឋានមួយ បណ្តាលឱ្យមនុស្សស្លាប់១៣នាក់ និងរបួស៦នាក់ ៕
ចែករំលែកព័តមាននេះ