ដល់.ក..! ឆបោកប្រាក់ជាង3លានដុល្លារ(មានវីដេអូ)
រាជធានីភ្នំពេញ ៖ ជនជាតិចិនសឹង្ហបុរីម្នាក់ត្រូវបានសមត្ថកិច្ចការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃ
រាជធានីភ្នំពេញ ៖ ជនជាតិចិនសឹង្ហបុរីម្នាក់ត្រូវបានសមត្ថកិច្ចការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃ ក្រោមការសម្របសម្រួលពីស្ថាប័នអយ្យការអមសាសាដំបូងរាជធានីភ្នំពេញឃាត់ខ្លួនកាលពីព្រលប់ថ្ងៃទី២៣ ខែមិថុនា ឆ្នាំ២០១៧ នៅព្រលានយន្តហោះអន្តរជាតិភ្នំពេញ ដែលចិនសឹង្ហបុរីរូបនោះបានជាប់ពាក់ពន្ធពី«ឆបោក»ប្រាក់អតិថិជនជាង៣លានដុល្លារអាមេរិក ហើយបំរុងឡើងយន្តហោះគេចខ្លួន ។ ជនសង្ស័យរូបនោះឈ្មោះ ENG WEI KHIONG ភេទប្រុស អាយុ៣៤ឆ្នាំ ក្រោយពីឃាត់ខ្លួន នៅព្រឹកថ្ងៃទី២៥ ខែមិថុនា ឆ្នាំ២០១៧ នេះសមត្ថកិច្ចបានបញ្ជូនទៅកាន់សាលាដំបូងរាជធានីភ្នំពេញដើម្បីធ្វើការសាកសួរលើបទ ឆបោកប្រាក់នោះ ។
ប្រភពព័ត៌មានពីសមត្ថកិច្ចបានបង្ហើបឲ្យដឹងថា ដើមចមក្នុងសំណុំរឿងនេះគឺលោកមេធាវី សំ មនោរម្យ និងលោក មេធាវី ដារ៉ា សុបញ្ញា ជាមេធាវីតំណាងដោយអាណត្តិឲ្យក្រុមហ៊ុន ស៊ីឃ្យួរខម មេឌា បានប្តឹងលើជនសង្ស័យឈ្មោះ ENG WEI KHIONG ជានាយកក្រុមហ៊ុនខាងលើនេះដែលបានមកស្នាក់នៅអាគារ SILVER TOWN ស្ថិតតាមផ្លូវលេខ៦៣(មហាវិថីត្រសក់ផ្អែម) សង្កាត់បឹងងកេងកង១ ខណ្ឌចំការមន រាជធានីភ្នំពេញ ពីបទ ឆបោក និងរំលោភទំនុកចិត្ត ពីអតិថិជនរបស់ក្រុមហ៊ុនជាង១០០នាក់ លើទឹកប្រាក់ជាង៣លាន២សែនដុល្លារអាមេរិក ។ ក្នុងពាក្យបណ្តឹងបានបញ្ចាក់ថា កាលពីអំឡុងខែសីហា ឆ្នាំ២០១៦ ក្រុមហ៊ុន ស៊ីឃ្យួរខម មេឌា បានប្រកាសផ្សាយពាណិជ្ជកម្មធ្វើអាជីវកម្មលក់ភាគហ៊ុនដែលមានទីតាំងស្ថិតនៅក្នុងក្រុមហ៊ុន FUGI ។ បន្ទាប់ពីមានការផ្សព្វផ្សាយធ្វើឲ្យអតិថិជនជឿទុកចិត្តរួចមកក៏មានអតិថិជនមួយចំនួនបានបើកគណនី និងដាកប្រាក់ក្នុងក្រុមហ៊ុននោះជាច្រើនលានដុល្លារដើម្បីធ្វើអាជីវកម្មវិនិយោគតាមការផ្សព្វផ្សាយរបស់ក្រុមហ៊ុន ស៊ីឃ្យួរខម មេឌា (ខេមបូឌា) ។ ក្រោយពេលដំណើរការបានមួយរយៈប្រហែលជា៣ទៅ៤ខែ ដល់ខែវិច្ឆិកា ឆ្នាំ២០១៦ ក្រុមហ៊ុននេះក៏បានប្តូរលក្ខន្តិក និងដកលោក ឯក សារឿន ជានាយកចេញ ហើយដាក់ឈ្មោះ ENG WEI KHIONG ជំនួសវិញ ។ ចាប់តាំងពីនោះមកក្រុមហ៊ុននេះបានផ្លាស់ប្តូរលក្ខន្តិក និងគោលការណ៍ផ្ទៃក្នុងជាញឹកញាប់ផ្ទុយពីខ្លឹមសារកិច្ចព្រមព្រៀងចុះថ្ងៃទី១ ខែសីហា ឆ្នាំ២០១៦ ទាំងស្រុង ។
លោកវរសេនីយ៍ឯក ជីវ វិបុល ប្រធានការិយាល័យនគរបាលព្រហ្មទណ្ឌកម្រិតធ្ងន់បានឲ្យថា ក្រោយពេលទទួលបានពាក្យបណ្តឹងនោះទើបសមត្ថកិច្ចរបស់លោកឈានទៅដល់ការឃាត់ខ្លួនជនសង្ស័យនៅព្រលានយន្តហោះអន្តរជាតិភ្នំពេញ និងនាំទៅកាន់តុលាការចាត់ការតាមផ្លូងច្បាប់ ៕
ចែករំលែកព័តមាននេះ