ចិន ៖ ប្រភពពី Shanghaiist ឱ្យដឹងថា បុរសជនជាតិចិនម្នាក់ បានរត់មកមន្ទីរពេទ្យក្នុងខេត្ត Liaoning បន្ទាប់ពីបានញាត់ម្ជុលដេរខោអាវ ចូលទៅក្នុងលិង្គខ្លួនឯងអស់១៥ដើម ។ បុរសវ័យខ្ទង់៣០ឆ្នាំម្នាក់នេះ បានញាត់ម្ជុលដេរខោអាវចូលក្នុងលិង្គរបស់ខ្លួនអស់ជាច្រើនឆ្នាំមកហើយ ដោយសារតែមានបញ្ហាផ្លូវចិត្ត។
ពេលដែលម្ជុលទាំងនោះ ចាប់ផ្តើមច្រែះចាប់នៅក្នុងខ្លួន បុរសដែលមិនបញ្ចេញឈ្មោះខាងលើ មានការឈឺចាប់ខ្លាំង ដែលធ្វើឲ្យគាត់រត់មករកពេទ្យជាបន្ទាន់ ។ គ្រូពេទ្យបានធ្វើការវះកាត់ដកយកម្ជុលទាំង១៥ដើមនោះចេញពីផ្លូវបង្ហូរនោម ដែលម្ជុលទាំងនោះសុទ្ធច្រែះស៊ីទាំងអស់ ។
ជាមួយគ្នានេះ គ្រូពេទ្យបានប្រាប់ថា អ្នកដែលមានបងប្អូនសាច់ញាតិមានវិបត្តិផ្លូវចិត្តបែបនេះ ត្រូវឆាប់មករកគ្រូពេទ្យព្យាបាលជាបន្ទាន់ កាន់តែលឿនកាន់តែល្អ ។
ចែករំលែកព័តមាននេះ