ផុតពូជអស់ហើយ…បើដឹកទាំងឡានៗបែបនេះ !
ខេត្តកំពង់ឆ្នាំង ៖ សត្វព្រៃទម្ងន់ប្រមាណជាង៣០០គីឡូក្រាមត្រូវបានកម្លាំងសមត្ថកិច្ចចម្រុះ
ខេត្តកំពង់ឆ្នាំង ៖ សត្វព្រៃទម្ងន់ប្រមាណជាង៣០០គីឡូក្រាមត្រូវបានកម្លាំងសមត្ថកិច្ចចម្រុះ
ខេត្តកំពង់ឆ្នាំង ៖ សត្វព្រៃទម្ងន់ប្រមាណជាង៣០០គីឡូក្រាមត្រូវបានកម្លាំងសមត្ថកិច្ចចម្រុះ ខេត្តធ្វើការចាប់ឃាត់បាននៅវេលាម៉ោង៥និង៣០នាទីព្រឹក ថ្ងៃទី២៤ ខែមិថុនា ឆ្នាំ២០១៧ នៅតាមបណ្តោយផ្លូវជាតិលេខ៥ ត្រង់ចំណុចភូមិស្វាយ ឃុំសេដ្ឋី ស្រុកសាមគ្គីមានជ័យ ខណៈ ដែលសត្វព្រៃទាំងនោះត្រូវបានជនល្មើសដឹកតាមរថយន្តទូរីសមួយគ្រឿងឆ្លងកាត់ទឹកដីខេត្តកំពង់ឆ្នាំង ។
លោក ថោង វ៉ាន់វីរ៉ាវុទ្ឋី នាយខណ្ឌរដ្ឋបាលព្រៃឈើបានឱ្យដឹងថា ដោយទទួលព័ត៌មានពីបណ្តាញសម្ងាត់របស់លោកថា មានរថយន្តមួយគ្រឿង ពណ៌ស្លឹកឈើ ពាក់ស្លាកលេខ ភ្នំពេញ 2H-2191 បើកចេញពីទឹកដីខេត្តបាត់ដំបងឆ្នោះទៅរាជធានីភ្នំពេញទើបសមត្ថកិច្ចចម្រុះបានដាក់កម្លាំងស្ទាក់ចាប់បានរថយន្តខាងលើនៅចំណុចភូមិស្វាយ ឃុំសេដ្ឋី ស្រុកសាមគ្គីមានជ័យ ប៉ុន្តែពេលចាប់បានរថយន្តខាងលើអ្នកបើកបរបានរត់គេចខ្លួនបាត់ហើយសមត្ថកិច្ចបាននាំយករថយន្តដែលមានដឹកសត្វព្រៃខាងលើទៅកាន់ស្នាក់ការផ្នែករដ្ឋបាលព្រៃឈើកំពង់ត្រឡាចដើម្បីត្រួតពិនិត្យរាប់ និងថ្លឹងទម្ងន់ ។
ប្រភពដដែលបានបន្តថា ក្រោយពីធ្វើការរាប់ និងថ្លឹងឃើញទម្ងន់សត្វព្រៃសរុបមាន៣២៣គីឡូក្រាមក្នុងនោះមាន ពស់ថ្លាន់៦ក្បាលទម្ងន់៦០គីឡូក្រាម, សត្វពស់សាំងសឿ៣ក្បាលទម្ងន់៩គីឡក្រាម, ពស់ចាន់ល្មមទម្ងន់១២៣គីឡូក្រាម, អណ្តើកសកល៤៣គីឡូក្រាម និងអណ្តើកបិទមុខមានទម្ងន់៦៨គីឡូក្រាម ។ នៅព្រឹកថ្ងៃដដែលនោះដែរមន្ត្រីជំនាញរដ្ឋបាលព្រៃឈើបានប្រគល់សត្វព្រៃទាំងនោះទៅក្រុមអង្គការវ៉ាយអេតហើយបានដឹកយកសត្វព្រៃទាំងនោះមួយផ្នែកទៅលែងក្នុងបឹងទន្លេសាប ចំណែកមួយផ្នែកទៀតបានយកទៅលែងនៅលើភ្នំដែលមានសុវត្ថិភាពដល់ការរស់នៅបន្តពូជរបស់វា ៕
ចែករំលែកព័តមាននេះ