ដល់.កលើកមួយគ្រួសារចេញកា.ប់ប្លន់តែម្តង
ខេត្តកំពង់ឆ្នាំង ៖ ប្តីប្រពន្ធ២នាក់បានរងរបួសធ្ងន់យ៉ាងធ្ងន់ធ្ងរដោយត្រូវជនសង្ស័យ៤នាក់ជិះម៉ូតូ២គ្រឿងស្ទាក់កា.ប់ប៉ុនប៉ងសម្លា.ប់ និងប្លន់យកម៉ូតូ
ខេត្តកំពង់ឆ្នាំង ៖ ប្តីប្រពន្ធ២នាក់បានរងរបួសធ្ងន់យ៉ាងធ្ងន់ធ្ងរដោយត្រូវជនសង្ស័យ៤នាក់ជិះម៉ូតូ២គ្រឿងស្ទាក់កា.ប់ប៉ុនប៉ងសម្លា.ប់ និងប្លន់យកម៉ូតូ
ខេត្តកំពង់ឆ្នាំង ៖ ប្តីប្រពន្ធ២នាក់បានរងរបួសធ្ងន់យ៉ាងធ្ងន់ធ្ងរដោយត្រូវជនសង្ស័យ៤នាក់ជិះម៉ូតូ២គ្រឿងស្ទាក់កាប់ប៉ុនប៉ងសម្លាប់ និងប្លន់យកម៉ូតូ ។ ហេតុការនេះបានកើតឡើងនៅម៉ោង៨និង២០នាទីយប់ ថ្ងៃទី២២ ខែមិថុនា ឆ្នាំ២០១៧ នៅចំណុចភូមិដកស្និត ឃុំច្រេស ស្រុកកំពង់ត្រឡាច ។ ខណៈប្តីប្រពន្ធទាំងពីរនាក់ជាម្ចាស់សាឡាងដរចំលងវិលត្រឡប់មកលំនៅដ្ឋានវិញ ។ ទោះយ៉ាងនេះក្តីជនសង្ស័យ២នាក់ក្នុងចំណោម៤នាក់ក៏ត្រូវបានសមត្ថកិច្ចកងរាជអាវុធហត្ថធ្វើការចាប់ឃាត់ខ្លួននៅព្រឹកថ្ងៃទី២៣ ខែមិថុនា ឆ្នាំ២០១៧ ។
តាមប្រភពពីសមត្ថកិច្ចបានឱ្យដឹងថា ជនរងគ្រោះជាប្តីមានឈ្មោះ សេក គង់ អាយុ៥៨ឆ្នាំ បានរងរបួសត្រូវដៃទាំងសងខាងជាច្រើនកាំបិតធ្ងន់ធ្ងរ ចំណែកប្រពន្ធឈ្មោះ ញ៉ែម សាវន អាយុ៥៥ឆ្នាំ បានរងរបួសចំក្បាល២កាំបិត កំពុងសំរាកព្យាបាលនៅក្នុងមន្ទីរពេទ្យខេត្តកំពង់ឆ្នាំង ។ នៅក្នុងមន្ទីរពេទ្យលោក សេក គង់ ជាជនរងគ្រោះបានប្រាប់ឱ្យដឹងថា មុនពេលកើតហេតុគាត់បានជិះម៉ូតូសេ១២៥ ស៊េរីឆ្នាំ២០១៦ ឌុបប្រពន្ធពីកំពង់ចំលងទៅផ្ទះរបស់ខ្លួនវិញពេលជិះម៉ូតូដល់ចំណុចទួលកាហែ ក៏ស្រាប់តែមានម៉ូតូ២គ្រឿងជិះគ្នាចំនួន៤នាក់បានជិះពីក្រោយមកឈប់ស្ទាក់ពីមុខរួចចុះមកកាន់ដាវ និងកាំបិតគ្រប់ដៃព្រួតគ្នាកាប់មកលើរូបគាត់ និងប្រពន្ធតែម្តងបណ្តាលឱ្យរូបគាត់ និងប្រពន្ធរងរបួសធ្ងន់ក្នុងពេលនោះដែរប្រពន្ធគាត់បានរត់ចេញពីកន្លែងកើតហេតុហើយបានស្រែកហៅឱ្យគេជួយហើយក្នុងពេលនោះដែរពួកជនល្មើសទាំង៤នាក់ជិះម៉ូតូគេចខ្លួនអស់ និងបានយកម៉ូតូគាត់មួយគ្រឿងទៅជាមួយផងដែរ ។
ជនរងគ្រោះដដែលបានបញ្ជាក់ឱ្យដឹងថា ពួកជនល្មើសទាំង៤នាក់ដែលបាននាំគ្នាកាប់ប៉ុនប៉ងសម្លាប់គាត់ពីរនាក់ប្តីប្រពន្ធ និងប្លន់យកម៉ូតូទៅបាត់គឺគាត់បានស្គាល់យ៉ាងច្បាស់ព្រោះពេលពួកគេជិះម៉ូតូស្ទាក់ពីមុខគឺភ្លើងម៉ូតូគាត់បានចាំងឃើញមុខយ៉ាងច្បាស់គឺទី១-ឈ្មោះ លី អូស្មាន ជាប្តី, ទី២-ឈ្មោះ កក សំ ជាប្រពន្ធ, ទី៣-ឈ្មោះ លី ខ្លឹង ជាកូន និងទី៤-ឈ្មោះ លី រ៉ាហ្វាត ជាកូន គ្រួសារនេះរស់នៅភូមិកំពង់ក្តារ ឃុំកំពង់ត្រឡាច ស្រុកកំពង់ត្រឡាច និងក៏ជារត់ដរចំលងនៅកំពង់ក្តារជាមួយគាត់ដែរ និងធ្លាប់មានទំនាស់យ៉ាងស្រួចស្រាវជាមួយគ្រួសារគាត់ព្រមទាំងបានប្តឹងផ្តល់គ្នាចំនួន៣លើករួចមកហើយដូច្នេះរឿងស្ទាក់កាប់ប៉ុនប៉ងសម្លាប់ប្លន់យកម៉ូតូខាងលើនេះគឺជារឿងគំនុំ ។
ទាក់ទង និងករណីខាងលើនេះលោក ម៉ាត៉ លី អធិការនគរបាលស្រុកកំពង់ត្រឡាចបានឱ្យដឹងថា ក្រោយពេលកើតហេតុភា្លមៗសមត្ថកិច្ចបានចុះធ្វើការស្រាវជ្រាវរកឃើញដាវ១ដើម, ទូរសព្ទ័ដៃ១គ្រឿង ជារបស់ជនល្មើសនៅកន្លែងកើតហេតុហើយសមត្ថកិច្ចបានចាប់ជនសង្ស័យ២នាក់ ទី១-ឈ្មោះ កក សំ និងទី២-ឈ្មោះ លី ខ្លឹង ដែលកំពុងសាកសួរនៅកងរាជអាវុធហត្ថខេត្តហើយមកដល់ល្ងាចថ្ងៃទី២៤ ខែមិថុនា នៅមិនទាន់សារភាពនៅឡើយ ។ ចំណែកជនសង្ស័យ២នាក់ទៀតជាឪពុកនិងកូនបានរត់គេចខ្លួនបាត់ ៕
ចែករំលែកព័តមាននេះ