ខេត្តបាត់ដំបង ៖ សេចក្តីរាយការណ៍ឱ្យដឹងថា មានករណីផ្ទុះក្បាលគ្រាប់ប្រភេទ៦០mm បណ្តាលឱ្យរងរបួសក្មេងប្រុសម្នាក់យ៉ាងធ្ងន់ធ្ងរ កើតឡើងកាលពីវេលាម៉ោង០១ និង៣០នាទីរសៀលថ្ងៃទី២៤ មិថុនា នេះ ស្ថិតនៅចំណុចឆ្លាក ក្នុងភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ក្រុងបាត់ដំបង ។
ប្រភពពីអាវុធហត្ថខេត្តឱ្យដឹងទៀតថា ក្មេងរងគ្រោះឈ្មោះម៉ៃ សាម៉េត ភេទប្រុស អាយុ១១ឆ្នាំ មានទីលំនៅក្នុងភូមិកើតហេតុខាងលើ បានរងរបួសដាច់.កដៃស្តាំ, ផ្ទៃមុខ និងភ្នែកខាងស្តាំ ។ ចំពោះមូលហេតុត្រូវគេដឹងថា គឺក្មេងប្រុសនេះ បានរើសក្បាលគ្រាប់នេះនៅវាលស្រែ មកបោកទៅនឹងគល់ឈើលេង ទើបបណ្តាលឱ្យផ្ទុះបែបនេះតែម្តង ។
ក្រោយកើតហេតុភ្លាមៗ ក្មេងប្រុសរងគ្រោះត្រូវក្រុមការងារអង្គភាពស៊ីម៉ាក់ ដែលឈរជើងនៅក្បែរនោះ ដឹកតាមរថយន្តតាមផ្លូវអក្សរតេ ក្នុងស្រុកសំឡូត ឆ្ពោះទៅកាន់មន្ទីរពេទ្យនៅខេត្តបាត់ដំបង ដើម្បីសង្គ្រោះ ។
ចែករំលែកព័តមាននេះ