រាជធានីភ្នំពេញ ៖ សិល្បករ-សិល្បការិនីល្បីៗ១៨រូប បានសម្រេចចិត្តទៅកែសម្ផស្ស ក៏ដូចជាទៅថែរក្សាសម្ផស្ស នៅគ្លីនិកមជ្ឈមណ្ឌលកែសម្ផស្សមួយដែលមានឈ្មោះថា «ឌែរម៉ូគ្លីនិក» ដើម្បីធ្វើឲ្យសម្ផស្សរបស់ខ្លួននៅក្មេងវ័យ និងរក្សាបាននូវប្រជាប្រិយភាពពីអ្នកគាំទ្រ ។ នេះបើតាមការបង្ហើបឲ្យដឹងពីអ្នកស្រី អ្នកស្រី ហូវ ដាណេ អគ្គនាយិកានៃមជ្ឈមណ្ឌល កែសម្ផស្សល្បីឈ្មោះមួយនេះ។
តាមលើកឡើងរបស់អគ្គនាយិកានៃមជ្ឈមណ្ឌល កែសម្ផស្សល្បីឈ្មោះខាងលើ តាមវិជ្ជាជីវៈក៏ដូចជាក្រមសីលធម៌គ្រូពេទ្យ គឺមិនអាចបញ្ចេញឈ្មោះទាំងអស់ខាងលើកបានឡើយ ប្រសិនបើមិនមានការអនុញ្ញាតពីសាមីខ្លួន ប៉ុន្តែក្រុមតារាទាំងនោះសុទ្ធតែផ្ដល់សិទ្ធិឲ្យគ្លីនិកក្នុងការបញ្ចេញឈ្មោះជាសាធារណៈទាំងអស់ ។ពួកគាត់ឲ្យយើងបញ្ចេញឈ្មោះទាំងអស់ ព្រោះយើងបានសុំសិទ្ធគាត់អស់ហើយ ម្យ៉ាងទៀត ពួកគាត់ភាគច្រើនជាតារាផ្សាយពាណិជ្ជកម្មនាកន្លងមក»។
អ្នកជំនួញល្បីឈ្មោះខាងសេវាកម្មកែសម្ផស្ស បានបន្តឲ្យដឹងថា មិនមែនមានតែតារាល្បីឈ្មោះទាំង១៨រូប ខាងលើនោះឡើយ ដែលមកទទួលសេវាកម្មសម្ផស្ស គឺមានតារាល្បីៗជាច្រើនទៀត ព្រមទាំងអតិថិជនជាមន្ត្រីថ្នាក់ដឹកនាំជាច្រើនរូបទៀត ប៉ុន្តែដោយគោរពតាមវិជ្ជាជីវៈ ក៏ដូចជាក្រមសីលធម៌អ្នកស្រី សូមមិនបញ្ចេញឲ្យដឹងឡើយ ។
តារាទាំង១៨រូបនោះ សុទ្ធតែសាមីខ្លួនបានអនុញ្ញាតឱ្យម្ចាស់គ្លីនិកបញ្ចេញទាំងអស់ ក្នុងនោះមានឈ្មោះដូចខាងក្រោម៖
១-កញ្ញាព្រះកាយ ច័ន្ធ (ធ្វើច្រមុះ និងចាក់ថ្គាមឲ្យមុខអក្សរV) ។ ២-កញ្ញា ទេព បូព្រឹក (វះកាត់ច្រមុះកែទម្រង់មុខអក្សរV ព្រមទាំង ចាក់រំលាយខ្លាញ់ដើមដៃ)។ ៣-កញ្ញាសុខ សីឡាលីន (ដោះដូរខ្ទង់ច្រមុះ ដែលពីមុនតារាស្រីរូបនេះធ្លាប់ធ្វើកន្លែងផ្សេង) ។ ៤-កញ្ញាសាសា តារាចម្រៀងថោន (កិបភ្នែក) ។ ៥-កញ្ញាសុគន្ធ នីសា (មកថែរក្សាស្បែកមុខជាប្រចាំ ដើម្បីបំបាត់ស្បែកជ្រីវជ្រួញឲ្យសម្រស់ក្មេងជាងវ័យ) ។ ៦-អ្នកនាងពេជ្រ សោភា (មកថែរក្សាស្បែកមុខជាប្រចាំ ដើម្បីបំបាត់ស្បែកជ្រីវជ្រួញឲ្យសម្រស់ក្មេងជាងវ័យ) ។ ៧-អ្នកនាងហង្ស សុជាតា (កែទម្រង់មុខឲ្យទៅជាអក្សរV និងចាក់បេប៊ីហ្វេស ដើម្បីឲ្យស្បែកមុខកូនក្មេង) ។ ៨-លោក សាវីន ហ្វីលីព (ចាក់ប៊ូថកបំបាត់ជ្រីវជ្រួញ និងថែរក្សាស្បែកមុខឲ្យនៅក្មេង) ។ ៩-លោកអ៊ែន ឌី (ថែស្បែកមុខឲ្យក្មេង) ។១០- តារាចម្រៀងSTEP (ថែស្បែកមុខឲ្យក្មេង) ។ ១១-លោកសុខ សិរីវឌ្ឃនា (ថែស្បែកមុខឲ្យក្មេង) ។ ១២-លោកអ៊ុន សុទ្ធា (ព្យាបាលមុខមុន ព្យាបាលស្លាកស្នាម ចាក់ប៊ូថក ដើម្បីបំបាត់ជ្រីវជ្រួញ) ។ ១៣-កញ្ញាវីតវីត (ថែស្បែកមុខឲ្យក្មេង) ។ ១៤-អ្នកនាង ស្រីម៉ុច អតីតតារាសិចស៊ី (កែទម្រង់មុខឲ្យទៅជាអក្សរV និងចាក់បេប៊ីហ្វេស ដើម្បីឲ្យស្បែកមុខកូនក្មេង)។ ១៥-កញ្ញាអ៊ុន អាលីហ្សា (វះកាត់ដូរខ្ទង់ច្រមុះ)។ ១៦-កញ្ញាគង់ វង្សយ៉ាទី ( ថែរក្សាស្បែកមុខ និងស្បែកខ្លួន) ។ ១៧-កញ្ញាថន លក្ខិណា (ថែរក្សាស្បែកមុខ និងស្បែកខ្លួន) និង១៨-កញ្ញាសូដា នីតា (កែទម្រង់មុខវី និងធ្វើចាក់បេប៊ីហ្វេស ដើម្បីឲ្យស្បែកមុខកូនក្មេង) ។
ចែករំលែកព័តមាននេះ