ខេត្តកំពត ៖ ដោយមានការសម្របសម្រួលពីតំណាងអយ្យការអមសាលាដំបូងខេត្ត នៅរសៀលថ្ងៃទី២៣ មិថុនា កម្លាំងព្រហ្មទណ្ឌកំរិតស្រាលខេត្តចុះបង្ក្រាបកន្លែងសង្វៀនបញ្ជល់មាន់ និងល្បែងអាប៉ោងមួយកន្លែង ស្ថិតក្នុងភូមិរបងក្រាស់ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ។
បើតាមលោកវរសេនីយ៍ទោលក ញ៉ាវ ឱ្យដឹងថា ករណីចុះបង្ក្រាបបទល្មើសខាងលើ បានឃាត់ខ្លួនអ្នកលេងចំនួន៥នាក់ និងរឹបអូសវត្ថុតាងម៉ូតូចំនួន១៥គ្រឿង, មាន់ជល់៦ក្បាល និងស៊ុំសំរាប់ក្រុងមាន់មួយចំនួនទៀត ។ ជនសង្ស័យទាំង៥នាក់ ១-ឈ្មោះលឹម ទ្រី អាយុ៣៣ឆ្នាំ (ម្ចាស់សង្វៀន), ២-ឈ្មោះកែវ ដុង អាយុ៤២ឆ្នាំ ៣-ឈ្មោះទូច ធឿន អាយុ៤០ឆ្នាំ, ៤-ឈ្មោះម៉ៅ ជន ភេទប្រុស អាយុ៥២ឆ្នាំ និង៥-ឈ្មោះសួង ដូ អាយុ៤៦ឆ្នាំ ។
ប្រភពបន្តថា ជនញៀនល្បែងទាំង៥នាក់ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ប៉ុន្តែក្រោយពីតុលាការសួរ
នាំរួច មានជនសង្ស័យ៤នាក់បានត្រូវតុលាការពិនិត្យហេតុផលទៅ មិនមានពាក់ព័ន្ធក្នុងករណីខាងលើធ្ងន់នោះ តុលាការគ្រាន់ធ្វើការអប់រំ ហើយដោះលែងវិញ ។ ចំណែកជនសង្ស័យម្នាក់ឈ្មោះលឹម ទ្រី ជាម្ចាស់ផ្ទះនិងជាម្ចាស់សង្វៀន ពុំព្រមសារភាពពីការកាងនិងផ្តល់ទីតាំងល្បែង ត្រូវឃាត់ខ្លួនជាបណ្តោះអាសន្ន ។
ចែករំលែកព័តមាននេះ