គេមិនចាប់ទើបចម្លែក…ចាយសែកគ្មានសាច់ប្រាក់
បន្ទាយមានជ័យ ៖ ជនសង្ស័យម្នាក់ត្រូវបានចាប់ខ្លួនតាមដិការបង្កាប់ពីបទ ចាយសែកគ្មានសាច់ប្រាក់
បន្ទាយមានជ័យ ៖ ជនសង្ស័យម្នាក់ត្រូវបានចាប់ខ្លួនតាមដិការបង្កាប់ពីបទ ចាយសែកគ្មានសាច់ប្រាក់ បញ្ជូនទៅភ្នំពេញវិញអនុវត្តតាមច្បាប់ដែលឃាត់នៅវេលាម៉ោង១០ ថ្ងៃទី២២ ខែមិថុនា ឆ្នាំ២០១៧ នៅចំណុចភូមិកោះកែវ ឃុំឫស្សីក្រោក ស្រុកមង្គលបូរី ។ លោកវរសេនីយ៍ទោ ព្រម្ម ថេង ប្រធានមន្ទីយុត្តិធម៌នៃបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា ជនសង្ស័យដែលត្រូវចាប់ខ្លួនតាមដិការមានឈ្មោះ ម៉ុក ភីរ័ក្ស ភេទប្រុស អាយុ៣៥ឆ្នាំរស់នៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធ៍សែនជ័យ រាជធានីភ្នំពេញ ។
លោកបានបញ្ជាក់ថា នៅពេលឃាត់ខ្លួនជនសង្ស័យឈ្មោះ ម៉ុក ភីរ័ក្ស គឺកម្លាំងកងរាជអាវុធហត្ថខេត្តបន្ទាយមានជ័យបានអនុវត្តន៍តាមដិការបង្គាប់ឱ្យនាំខ្លួនលេខ៣០៨ចុះថ្ងៃទី២៥ ខែឧសភា ឆ្នាំ២០១៧ ចេញដោយលោក ជួន សុរាសី ចៅក្រមស៊ើបសួរនៃសាលាដំបូងរាជធានីភ្នំពេញឱ្យនាំខ្លួនជនសង្ស័យឈ្មោះ ម៉ុក ភីរ័ក្ស ដែលចោទប្រកាន់ពីបទមិនបំពេញកាតកិច្ចចំពោះឧបករណ៍ដែលអាចជួញដូរបានគឺសែកគ្មានសាច់ប្រាក់ដែលប្រព្រឹត្តនៅកាលពីថ្ងៃ៩ ខែមិថុនា ឆ្នាំ២០១៦ នៅរាជធានីភ្នំពេញ ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យបានបញ្ជាក់ថា ក្រោយពេលដែលឃាត់ខ្លួនជនសង្ស័យឈ្មោះ ម៉ុក ភីរ័ក្ស ហើយបានបញ្ជូនជនសង្ស័យទៅបញ្ជាការដ្ឋានកងរាជអាវុធរាជធានីភ្នំពេញដើម្បីចាត់ការតាមច្បាប់ ៕
ចែករំលែកព័តមាននេះ