ខេត្តបន្ទាយមានជ័យ ៖ ជនសង្ស័យ៤នាក់ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ ពីបទជួញដូរគ្រឿងញៀ.ន ខេទឹកកក ចំនួន១៤ថង់តូច ស្មើទំងន់៣.៧១ក្រាម ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី២២ ខែមិថុនា ឆ្នាំ២០១៧ ។
ខេត្តបន្ទាយមានជ័យ ៖ ជនសង្ស័យ៤នាក់ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ ពីបទជួញដូរគ្រឿងញៀន ខេទឹកកក ចំនួន១៤ថង់តូច ស្មើទំងន់៣.៧១ក្រាម ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី២២ ខែមិថុនា ឆ្នាំ២០១៧ ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យ បានប្រាប់ថា ៖ ជនសង្ស័យ៤នាក់ ដែលត្រូវឃាត់ខ្លួនមាន ១.ឈ្មោះ រៀម រ៉ាត់ ភេទប្រុស អាយុ២៩ឆ្នាំ ២.ឈ្មោះ ចិ ថាវុធ ភេទប្រុស អាយុ២៤ឆ្នាំ ៣.ឈ្មោះ មូល សុភឿត ភេទប្រុស អាយុ២៣ឆ្នាំ និង៤.ឈ្មោះ លឹម ចំរុង ហៅ ញ៉ា ភេទប្រុស អាយុ១៧ឆ្នាំ ជនសង្ស័យទាំង៤នាក់ រស់នៅភូមិជប់វ៉ារី ឃុំជប់វ៉ារី ស្រុកព្រះនេត្រព្រះ ។ លោកបានបញ្ជាក់ថា ៖ នៅពេលឃាត់ខ្លួនជនសង្ស័យ៤នាក់ គឺកម្លាំងកងរាជអាវុធហត្ថខេត្តបន្ទាយមានជ័យ បានស្រាវជ្រៅមុខសញ្ញាចែកចាយគ្រឿងញៀន បានឃាត់ជនស្ស័យ៤នាក់ និងវត្ថុតាងមានគ្រឿងញៀន(ប្រភេទមេតំហ្វេតាមីនហៅទឹកកកចំនួន១៤ថង់តូច ស្មើទំងន់៣.៧១ក្រាម និងម៉ូតូ១គ្រឿង ទូរស័ព្ទដៃចំនួន៦គ្រឿង ដាវសាំម៉ូរ៉ៃចំនួន១ដើម ដែលឃាត់ជាបន្តបន្ទាប់ នៅថ្ងៃទី២០ ដល់២១ ខែមិថុនា ឆ្នាំ២០១៧ នៅចំណុចភូមិភ្នំជញ្ជាំង ឃុំភ្នំជញ្ជាំង ស្រុកព្រះនេត្រព្រះ ។
លោកវរសេនីយ៍ឯក ស ប៊ុនសឿង បានបញ្ជាក់ថា ៖ ក្រោយពេលឃាត់ជនសង្ស័យបាន៤នាក់ បានសារភាព និងវត្ថុតាងគ្រឿងញៀន ខេទឹកកក ចំនួន១៤ថង់តូច ស្មើទំងន់៣.៧១ក្រាម ត្រូវបានកសាងសំណុំរឿងបញ្ជូនទៅសាលាដំបូងចាត់ការតាមច្បាប់ ៕
ចែករំលែកព័តមាននេះ