រាជធានីភ្នំពេញ ៖ រថយន្តពាក់ស្លាកលេខ ខេមរភូមិន្ទ មួយគ្រឿង បានបើកបុកម៉ូតូក្នុងទិសដៅបញ្ច្រាសទិសគ្នា បណ្ដាលឲ្យអ្នកបើកម៉ូតូរងរបួសបាក់ភ្លៅខាងឆ្វេង និងរយះក្បាលពោះបែកផ្លោកនោម ហេតុការណ៍នេះកើតឡើងនៅវេលាម៉ោង០៩និង៣០នាទីយប់ ថ្ងៃទី២២ ខែមិថុនា ឆ្នាំ២០១៧ ជិតផ្សារប៉េសេ ផ្លូវ៣៧១ ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ។
រាជធានីភ្នំពេញ ៖ រថយន្តពាក់ស្លាកលេខ ខេមរភូមិន្ទ មួយគ្រឿង បានបើកបុកម៉ូតូក្នុងទិសដៅបញ្ច្រាសទិសគ្នា បណ្ដាលឲ្យអ្នកបើកម៉ូតូរងរបួសបាក់ភ្លៅខាងឆ្វេង និងរយះក្បាលពោះបែកផ្លោកនោម ហេតុការណ៍នេះកើតឡើងនៅវេលាម៉ោង០៩និង៣០នាទីយប់ ថ្ងៃទី២២ ខែមិថុនា ឆ្នាំ២០១៧ ជិតផ្សារប៉េសេ ផ្លូវ៣៧១ ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ។
ជនរងគ្រោះមានឈ្មោះ ឆឹង ពិសិទ្ធ ភេទប្រុស អាយុ២៥ឆ្នាំ ស្នាក់នៅសង្កាត់ផ្សារដើមថ្កូវខណ្ឌចំការមន ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់បានជិះម៉ូតូម៉ាក HONDA DREAM ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ភ្នំពេញ ១GE-៦១៧៩ បានធ្វើដំណើរតាមផ្លូវ៣៧១ ក្នុងទិសដៅពីលិចទៅកើត ខណៈមកដល់ចំណុចកើតហេតុ ក៏ស្រាប់តែមានរថយន្តម៉ាក HILUX SURF ពាក់ស្លាកលេខ ខេមរភូមិន្ទ បានធ្វើដំណើរតាមផ្លូវ៣៧១ ក្នុងទិសដៅពីកើតទៅលិច ក្នុងល្បឿនយ៉ាងលឿន ក៏ជ្រុលទៅនឹងម៉ូតូពេញទំហឹង បណ្តាលឲ្យអ្នកបើកម៉ូតូរងរបួសបាក់ភ្លៅខាងឆ្វេង និងរយះក្បាលពោះបែកប្លោកនោម ត្រូវរថយន្តសង្គ្រោះបានមកដឹកយកទៅសង្គ្រោះនៅគ្លីនិក សួគ៌ា តែដោយសាររបួសធ្ងន់ធ្ងរ ក៏ត្រូវបញ្ជូនបន្តទៅសង្គ្រោះនៅមន្ទីរពេទ្យព្រះកុសុមៈ ។ ឬឯម៉ូតូខ្ទេចមួយកំណាត់ខាងមុខ ។ ដោយឡែកខាងរថយន្ត រងកាខូចខាតក្រពឹតខ្ទេចផ្នែកខាងមុខ ចំហៀងខាងឆ្វេង និងបែកកង់មុខ ។ តែភ្លាមនោះ អ្នកបើកបរមិនព្រមឈប់ដោះស្រាយនៅកន្លែងកើតហេតុនោះទេ គឺបានព្យាយាមបើករត់ពីកន្លែងកើតហេតុបាន១គីឡូម៉ែត្រទៅសម្ងំដោះដូរកង់រថយន្ត ត្រូវប្រជាពលរដ្ឋឃើញបានរាយការណ៍ប្រាប់សមត្ថកិច្ច ឲ្យមកឃាត់រថយន្តតែម្ដង ។ នៅពេលនោះដែរ ស្របពេលដែលសមត្ថកិច្ចឃាត់រថយន្តបានហើយ ស្រាប់តែបងប្អូនខាងម៉ូតូបានទាស់សម្ដីគ្នាជានឹងខាងរថយន្ត រៀបនឹងផ្ទុះហិង្សាដាក់គ្នា តែត្រូវសមត្ថកិច្ចឃាត់ទាន់ ដោយសារតែបងប្អូនខាងម៉ូតូបាននិយាយថា រថយន្តនឹងបានទៅបុកម៉ូតូប្អូនរបស់គាត់ តែខាងរថយន្តវិញបានប្រកែកថា ខាងម៉ូតូជាអ្នកបើកម៉ូតូមកបុករថយន្តរបស់គាត់ តែគាត់មិនចងមានរឿងវែងឆ្ងាយក៏រថយន្តចេញមក ។
ក្រោយពេលកើតហេតុ រថយន្ត និងម៉ូតូ ត្រូវបានសមត្ថកិច្ចជំនាញមកវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ