រាជធានីភ្នំពេញ ៖ លោក កឹម សុខា ប្រធានគណបក្សសង្គ្រោះជាតិនៅរសៀលថ្ងៃទី២២ ខែមិថុនា ឆ្នាំ២០១៧ នេះបានថ្លែងថា លោកសូមផ្ញើមេឃុំជាមួយបងប្អូនប្រជាពលរដ្ឋឲ្យជួយមើលពីសកម្មភាពខុស និង
រាជធានីភ្នំពេញ ៖ លោក កឹម សុខា ប្រធានគណបក្សសង្គ្រោះជាតិនៅរសៀលថ្ងៃទី២២ ខែមិថុនា ឆ្នាំ២០១៧ នេះបានថ្លែងថា លោកសូមផ្ញើមេឃុំជាមួយបងប្អូនប្រជាពលរដ្ឋឲ្យជួយមើលពីសកម្មភាពខុស និងត្រូវរបស់មេឃុំ-ចៅសង្កាត់របស់គណបក្សសង្គ្រោះជាតិផង។ ហើយនៅពេលណាខុសជួយប្រាប់ តែបើប្រាប់មិនស្តាប់ទេ ឬមិនកែប្រែ សូមប្រាប់លោកជាប្រធានបក្ស នោះលោកនឹងដូរពួកគេចេញភ្លាម។
ការលើកឡើងរបស់លោក កឹម សុខា ប្រធានគណបក្សសង្គ្រោះជាតិនៅនៅខេត្តព្រះសីហនុ ទីកន្លែងដែលលោកបានបង្ហាញមុខមេឃុំរបស់គណបក្សសង្គ្រោះជាតិ៤រូប នៅស្រុកព្រៃនប់ ខេត្តព្រះសីហនុ ពេលដែលមេបក្សប្រឆាំងរូបនេះចុះថ្លែងអំណរគុណអ្នកគាំទ្រ។
មេបក្សប្រឆាំងបានថ្លែងទៅកាន់អ្នកចូលរួមថា៖ «បើមេឃុំមិនបម្រើពលរដ្ឋទេ សូមបងប្អូនជួយប្រាប់មកខ្ញុំៗនឹងដូរចេញមិនមែនប្តូរតែគេ យើងក៍ត្រូវប្តូរដែរ»។ លោកកឹម សុខាបានលើកឡើងថា «សូមអ្នកគាំទ្រគណបក្សសង្គ្រោះជាតិជួយមើលមេឃុំទាំងនោះផង និងកុំទារលុយ៥០ម៉ឺន (ដុល្លារ) ពីពួកគាត់ ករណីនេះលុះត្រាបក្សសង្គ្រោះជាតិឈ្នះ (បោះឆ្នោតជាតិ២០១៨) បានទម្លាក់លុយជាតិនេះ ដើម្បីអភិវឌ្ឍឃុំសង្កាត់»។
លោក សេង លីន មេឃុំថ្មីនៅសង្កាត់លេខ៤ បានលើកឡើងថា៖ «ខ្ញុំសូមគោរពតាមគោលការណ៍របស់គណបក្សសង្គ្រោះជាតិជាដាច់ខាត។ “មេឃុំយើងត្រូវតែស្អាតស្អំ ស៊ីញ៉េមិនយកលុយទេ”»។
លោកកឹម សុខា បានបញ្ជាក់ថា៖ «បើមេឃុំ ចៅសង្កាត់ណាមិនស្តាប់ទេ ឬប្រព្រឹត្តខុស ខ្ញុំត្រូវតែប្តូរ មិនមែនដូរអីតែគេ។ គណបក្សនឹងត្រូវបណ្តុះបណ្តាលបន្ថែមទៀត»។ ចំពោះគោលការណ៍៥ចំណុចពេលណាដែលគណបក្សសង្គ្រោះជាតិបានដឹកនាំប្រទេសលុយ៥០ម៉ឺនដុល្លារ នឹងត្រូវជូនដល់គ្រប់ឃុំសង្កាត់។ លោកប្រធានគណបក្សប្រឆាំងបានសំដែងក្តីសង្ឃឹមថា នៅពេលណាគណបក្សប្រឆាំងជាប់ឆ្នោតបានដឹកនាំប្រទេសពេលនោះសន្តិភាពនិងអភិវឌ្ឍនឹងមានជារៀងរហូតសម្រាប់ប្រជាជនកម្ពុជានិងប្រទេសជាតិ។
សូមរម្លឹកថា លោក ឈាងវ៉ុន អ្នកនាំពាក្យក្រុមអ្នកតំណាងរាស្ត្រគណបក្សប្រជាជនកម្ពុជានៅរដ្ឋសភាធ្លាប់បានប្រកាសជាសាធារណៈថា វាមិនអាចទៅរួចទេ ដែលរដ្ឋាភិបាលកម្ពុជាទម្លាក់លុយ៥០ម៉ឺនដុល្លារក្នុងមួយឃុំ-សង្កាត់ដែលជាគោលនយោបាយរបស់បក្សប្រឆាំងទេ បើធ្វើអញ្ចឹងមានតែ «មានតែជាន់.ករាស្ត្រ»។
ចែករំលែកព័តមាននេះ