Cristiano Ronaldo នឹងឡើងតុលាការបកស្រាយពីបញ្ហាគេចពន្ធ
តាមប្រភពព័ត៌មាន Reuters បានឲ្យដឹងថា កីឡាករល្បីលំដាប់ខ្ពស់ Cristiano Ronaldo នឹងឡើងតុលាការ
តាមប្រភពព័ត៌មាន Reuters បានឲ្យដឹងថា កីឡាករល្បីលំដាប់ខ្ពស់ Cristiano Ronaldo នឹងឡើងតុលាការនៅថ្ងៃទី៣១ ខែកក្កដា ខាងមុខនេះដើម្បីចេញមុខបកស្រាយពីបញ្ហាគេចពន្ធមិនបង់ប្រាក់ចំណូលជាមួយនឹងអាជ្ញាធរប្រទេសអេស្ប៉ាញ ។ នេះគឺជាអ្វីដែលបានប្រកាសជាផ្លូវការនៅថ្ងៃអង្គារកន្លងមកថ្មីៗនេះ ។
ខាងអាជ្ញាធរអេស្ប៉ាញបានមានប្រសាសន៍ថា Cristiano Ronaldo បានគេចមិនបង់ពន្ធប្រាក់ចំណូលរបស់ខ្លួនចូលរដ្ឋចាប់តាំងពីឆ្នាំ២០១១ដល់ឆ្នាំ២០១៤ ។
គួរបញ្ជាក់ផងដែរថា ដោយសារតែរឿងមិនចេះចប់មិនចេះហើយពាក់ព័ន្ធនឹងបញ្ហាពន្ធប្រាក់ចំណូល កីឡាករល្បីរូបនេះបង្ហើបប្រាប់ថា ខ្លួនចង់ចេញពីប្រទេសអេស្ប៉ាញហើយនឹងមិនមកជាន់លើទឹកដីនេះឡើយ ។ មិនត្រឹមតែប៉ុណ្ណោះ Ronaldo ក៏ចង់ចេញពីក្រុមរបស់ខ្លួនផងដែរ ដោយលើកហេតុផលមកថា ក្រុមរបស់ខ្លួនហាក់បីដូចជាមិនជួយខ្លួនសោះពេលជួបបញ្ហានេះ ៕
ចែករំលែកព័តមាននេះ