ខេត្តបន្ទាយមានជ័យ ៖ បុរសម្នាក់ព្រោះតែជំពាក់លុយប្រជាពលរដ្ឋមិនសងអាងខ្លួនមានអាវុធត្រូវបានប្រជាពលរដ្ឋប្តឹងទៅកាន់សត្ថកិច្ចត្រូវបានកម្លាំងនគរបាលការិយាល័យជំនាញព្រហ្មទណ្ឌ
ខេត្តបន្ទាយមានជ័យ ៖ បុរសម្នាក់ព្រោះតែជំពាក់លុយប្រជាពលរដ្ឋមិនសងអាងខ្លួនមានអាវុធត្រូវបានប្រជាពលរដ្ឋប្តឹងទៅកាន់សត្ថកិច្ចត្រូវបានកម្លាំងនគរបាលការិយាល័យជំនាញព្រហ្មទណ្ឌកំរិតធ្ងន់សហការជាមួយកម្លាំងនគរបាលជំនាញនៃអធិការដ្ឋាននគរបាលស្រុកម៉ាឡៃចុះធ្វើការដកហូត និងបញ្ជូនខ្លួនទៅសាលាដំបូងខេត្តបន្ទាយមានជ័យនាថ្ងៃទី២២ ខែមិថុនា ឆ្នាំ២០១៧នេះ ។
លោកឧត្តមសេនីយ៍ត្រីសិទ្ធ ឡោះ ស្នងការរង ទទួលបន្ទុកផែននគរបាលព្រហ្មទណ្ឌបានឲ្យដឹងថា ជនសង្ស័យលាក់ទុកអាវុធប្រើប្រាស់ខុសច្បាប់ឈ្មោះ ស៊ុម យ៉ុង ភេទប្រុស អាយុ៥៤ឆ្នាំ នៅភូមិអូរកាច់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។ ក្រោយពីទទួលបណ្តឹងពីប្រជាពលរដ្ឋប្រមាណជា១០នាក់បានប្តឹងថា ឈ្មោះ ស៊ុម យ៉ុង បានជំពាក់លុយពួកគាត់មិនព្រមសងម្នាក់ៗជិត១០ឆ្នាំ និងមានលាក់ទុកអាវុធប្រើប្រាស់ក្នុងផ្ទះ ។ នៅវេលាម៉ោង៥និង១៨នាទីល្ងាចថ្ងៃទី២១ ខែមិថុនា ឆ្នាំ២០១៧ កម្លាំងនគរបាលយើងបានចុះដល់ផ្ទះជនសង្ស័យនៅភូមិអូរកាច់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ និងធ្វើចាប់ឃាត់ដកហូតអាវុធបានចំនួន២ដើម ធុន AK ១ដើមនិងធុន CKC ១ដើម គ្រាប់ចំនួន៣៧គ្រាប់ បង់ចំនួន២ បន្ទាប់ពីធ្វើការសាកសួរ និងស្រាវជ្រាវរួមទាំងថ្នាំញៀនប្រភេទមេតំហ្វាតាមីនគ្រាប់ចំនួន៥គ្រាប់ បន្ទាប់មកសមត្ថកិច្ចបានឈានដល់ការដកហូតអាវុធ១ដើមទៀតធុន AK47 និងគ្រាប់ចំនួន៥គ្រាប់ បង់ចំនួន១ ដែលជនសង្ស័យបានយកទៅលាក់ទុកនៅផ្ទះឈ្មោះឡៃ ភេទប្រុស នៅភូមិជាមួយគ្នារីឯម្ចាស់ផ្ទះបានរត់គេចខ្លួនបាត់ ។
លោកឧត្តមសេនីយ៍ទោស្នងការនគរបាលខេត្តបានឲ្យដឹងដែរថា នៅចំពោះមុខសមត្ថកិច្ចជនសង្ស័យឈ្មោះ ស៊ុម យ៉ុង បានសារភាពថា កាលពីមុនពេលជាទាហាន តែឥឡូវឈប់ហើយអាវុធមួយចំនួនគេបានប្រគល់ជូនសមត្ថកិច្ចចំពោះអាវុធចំនួន៣ដើមនេះគេទុកក្នុងគោលបំណងដើម្បីការពារភូមិ មិនបានទុកសម្រាប់យកទៅគម្រាម ឬប្លន់នោះទេ ។ លោកឧត្តមសេនីយ៍ទោ បានបញ្ជាក់ថា ដើម្បីភូមិ-ឃុំមានសុវត្ថិភាពការលាក់ទុកអាវុធប្រើប្រាស់អាវុធដោយខុសច្បាប់ បើទោះគេមិនបានយកអាវុធទៅធ្វើសកម្មភាពអ្វីក៏ដោយ ព្រោះមិនមានប័ណ្ណប្រើប្រាស់អាវុធ និងមានថ្នាំញៀនដែលសមត្ថកិច្ចឆែកឆេររកឃើញនៅនឹងផ្ទះ ។ បច្ចុប្បន្នសង្ស័យ និងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនខ្លួនទៅសាលាដំបូងខេត្តបន្ទាយមានជ័យ ៕
ចែករំលែកព័តមាននេះ