ខេត្តសៀមរាប ៖ ប្រជាពលរដ្ឋម្នាក់ រស់នៅស្រុកស្រីស្នំ បានទៅដាក់ទ្រូ នៅតាមមាត់ស្ទឹង ចំនួន៣ថ្ងៃទើបទៅលើកម្តង ខណៈពេលនោះ ប្រទះឃើញកាំភ្លើងមួយដើម នៅក្នុងទឹកស្ទឹង ប្រភេទម៉ាក រ៉ាមបូ នៅពីខាងជើងទំនប់ស្ទឹងស្រែង ចម្ងាយប្រហែល៧០០ម៉ែត្រ ជាប់មាត់ស្ទឹង ក្នុងទឹកដីស្រុកចុងកាល់ ខេត្តឧត្តរមានជ័យ កាលពី
វេលាម៉ោង១៨និង០០នាទីល្ងាច ថ្ងៃទី២១ ខែមិថុនា ឆ្នាំ២០១៧
រួចបានរាយការណ៍ទៅឱ្យប៉ុស្តិ៍នគរបាលរដ្ឋបាលស្លែងស្ពាន មកទទួលយកទៅរក្សាទុក ។
លោកវរសេនីយ៍ទោ អ៊ុន ស្រស់ អធិការស្រុកស្រីស្នំ បានប្រាប់តាមទូរស័ព្ទ នាព្រឹកថ្ងៃទី២២ ខែមិថុនា ឆ្នាំ២០១៧ នេះថា មានប្រជាពលរដ្ឋម្នាក់ឈ្មោះ ពេក ពួន ភេទប្រុស អាយុ៣៩ឆ្នាំ មុខរបរកសិករ រស់នៅភូមិចំការចេក ឃុំស្លែងស្ពាន បានឃើញអាវុធ១ដើមប្រភេទ រ៉ាមបូ នៅខាងជើងទំនប់ស្ទឹងស្រែង ចម្ងាយ៧០០ម៉ែត្រ ជាប់មាត់ស្ទឹង ក្នុងទឹកដីស្រុកចុងកាល់ ខេត្តឧត្តរមានជ័យ ។ លោកបានបញ្ជាក់ថា
ក្រោយពីបានទទួលព័ត៍មាន កម្លាំងយើងបានចុះទៅយកដោយសង្កេតឃើញថា អាវុធនេះដូចមានម្ចាស់ថែរក្សាប្រើប្រាស់ជាប្រចាំ ។ លោកបានបញ្ជាក់បន្ថែមថា ពលរដ្ឋដែលប្រទះឃើញកាំភ្លើងមួយដើមនោះ គឺពួកគាត់បានទៅដាក់ទ្រូ ម្តងរយៈពេល៣ថ្ងៃ ទើបគាត់ទៅលើកម្តង ប៉ុន្តែមិនឃើញ រហូតដល់ទៅលើកថ្ងៃទី៣ ទើបប្រទះឃើញនៅមុខមាត់ទ្រូរបស់គាត់ រួចយកមកប្រគល់ឱ្យមន្ត្រីប៉ុស្តិ៍នគរបាលមូលដ្ឋានរបស់យើងភ្លាមៗផងដែរ ។
បច្ចុប្បន្ន អាវុធ១ដើមដែលប្រជាពលរដ្ឋប្រទះឃើញនោះ ត្រូវបានកម្លាំងនគរបាលប៉ុស្តិ៍ស្លែងស្ពាន យកមករក្សាទុកនៅកន្លែង រួចរាល់ហើយ ព្រមទាំងអរគុណដល់ពលរដ្ឋ ដែលបានសហការណ៍ជាមួយកម្លាំងមូលដ្ឋានបានល្អ ៕
ចែករំលែកព័តមាននេះ