យល់សប្តិ2យប់ថា«ឱ្យទៅជួយយកចេញពីភក់ផងបាកនៅណាស់»ស្រាប់តែព្រឹកឡើង…
ខេត្តតាកែវ ៖ បើតាមការរៀបរាប់របស់អ្នកស្រីឈ្មោះ ជា ភឿន អាយុ៣៨ឆ្នាំ បានប្រាប់ឱ្យដឹងថា មុននឹងគាត់បានឃើញរូបសំណាក់១អង្គ
ខេត្តតាកែវ ៖ បើតាមការរៀបរាប់របស់អ្នកស្រីឈ្មោះ ជា ភឿន អាយុ៣៨ឆ្នាំ បានប្រាប់ឱ្យដឹងថា មុននឹងគាត់បានឃើញរូបសំណាក់១អង្គ គឺគាត់បានយល់សប្តិឃើញ២យប់មកហើយ គាត់បន្តទៀតថានៅក្នុងយល់សប្តិនោះគឺគាត់បានឃើញរូបស្រីម្នាក់តែងតែមកហៅគាត់ថា «ឲ្យទៅជួយយកគាត់ចេញពីក្នុងភក់ផង គាត់ពីបាកទ្រាំណាស់» ។ ហេតុការណ៍នេះបានកើតឡើងនៅក្នុងភូមិអ្នកតាត្បាល់ ឃុំគោកពោធិ៍ ស្រុកបូរីជលសារ ខេត្តតាកែវ ។
ស្ត្រីដដែលបានបន្តទៀតថា លុះដល់ព្រឹកឡើងវេលាម៉ោង៩និង៣០ ថ្ងៃទី២១ ខែមិថុនា ឆ្នាំ២០១៧ គាត់បានដើរទៅក្រោយផ្ទះក៏ស្រាប់តែឃើញដៃម្ខាង និងខ្លួនកប់នៅលើគំនរដីដែលចាក់នៅក្រោយផ្ទះ រួចគាត់ក៏បានលើកយកមកផ្ទះលាងសម្អាត និងអុជធូបសុំសេចក្តីសុខសប្បាយ និងបង្កឲ្យមានការភ្ញាក់ផ្អើលកើតឡើងដល់អ្នកស្រុកនាំគ្នាមកអុជធូប និងអាជ្ញាធរ រួមទាំងមន្ត្រីជំនាញបានចុះទៅធ្វើការពិនិត្យ ។
តាមការសន្និដ្ឋានរបស់មន្ត្រីជំនាញបានប្រាប់ឲ្យដឹងថា រូបសំណាក់ខាងលើនេះបើតាមការពិនិត្យគឺមានទម្រង់ជារូប មេទ័ព ដែលមានប្រវត្តិមុនសម័យអង្គរ ហើយរូបសំណាក់នេះមានកំពស់៧តឹក និងទម្ងន់២៧គីឡូក្រាម ហើយរូបសំណាក់កំពុងតម្កល់ទុកនៅផ្ទះស្ត្រីខាងលើដោយមានកំលាំងសមត្ថកិច្ចការពាររងចាំខាងមន្ទីរចុះមកធ្វើការពិនិត្យម្តងទៀត ៕
ចែករំលែកព័តមាននេះ