គ្រាន់តែឃើញដូចបានឃើញខ្មោចរត់ប្រសាចពេញស្រែ
ខេត្តកំពត ៖ នៅរសៀលថ្ងៃទី ២១ ខែមិថុនា ឆ្នាំ ២០១៧ បន្ទាប់ពីកំលាំងអន្តរាគមរបស់ស្នងការខេត្តបានចុះបង្ក្រាបសំបុក ចែកចាយ និងប្រើប្រាស់គ្រឿងញៀ.ន
ខេត្តកំពត ៖ នៅរសៀលថ្ងៃទី ២១ ខែមិថុនា ឆ្នាំ ២០១៧ បន្ទាប់ពីកំលាំងអន្តរាគមរបស់ស្នងការខេត្តបានចុះបង្ក្រាបសំបុក ចែកចាយ និងប្រើប្រាស់គ្រឿងញៀ.ន
ខេត្តកំពត ៖ នៅរសៀលថ្ងៃទី ២១ ខែមិថុនា ឆ្នាំ ២០១៧ បន្ទាប់ពីកំលាំងអន្តរាគមរបស់ស្នងការខេត្តបានចុះបង្ក្រាបសំបុក ចែកចាយ និងប្រើប្រាស់គ្រឿងញៀនមួយកន្លែងទៀតដែលក្រុមជនល្មើសកំពុងប្រមូលផ្តុំគ្នាសេព និងចែកចាយមួយកន្លែងស្ថិតក្នុងភូមិម៉ាក់ប្រាង្គ ឃុំកំពង់គ្រែង ស្រុកទឹកឈូ ខេត្តកំពត ។
លោកវរសេនីយទោ លក ញ៉ាវ បានឲ្យដឹងថា នៅពេលដឹងថាកំលាំងសមត្ថកិច្ចចុះទៅដល់សំបុកលាក់ខ្លួនរបស់ពួកគេពេលនោះក្រុមជនល្មើសទាំងនោះបានរត់បែកខ្ញែកគ្នារត់កាត់ស្រែបឹង ប៉ុន្តែទោះបីយ៉ាងណាក៏កំលាំងអន្តរាគមន៍ដេញចាប់ឲ្យខាងតែបានដើម្បីនាំមកសាកសួរ ស្រាវជ្រាវរកខ្សែរយៈ និងមេក្លោងដែលនៅពីក្រោយ ។ លោកបានបន្តថា បន្ទាប់ពីបែកសំបុកនាពេលនោះយើងបានឃាត់ខ្លួនជនល្មើសខាងលើចំនួន ៥នាក់ និងរឹបអូសវត្ថុតាងថ្នាំញៀនប្រភេទម៉ាទឹកកក ចំនួន៥កញ្ចប់តូចដែលក្រោយពីពួកគេចែកចាយទុកសំរាប់សេព ។
ជនសង្ស័យទាំង៥នាក់នោះមាន ទី១-ឈ្មោះ អ៊ុន កៃយ៉ូម ភេទប្រុស អាយុ១៩ឆ្នាំ, ទី២-ឈ្មោះ វ៉ាន់ ហេង ភេទប្រុស អាយុ២២ឆ្នាំ អ្នកទាំងពីររស់នៅកន្លែងកើតហេតុខាងលើ, ទី៣-ឈ្មោះង៉ែត ស៊ុបនី ភេទប្រុស អាយុ២៦ឆ្នាំ, ទី៤-ឈ្មោះ អ៊ុង សុះ ភេទប្រុស អាយុ៣៣ឆ្នាំ និងទី៥-ឈ្មោះ ហុង រតនា ភេទ ប្រុស អាយុ២៦ឆ្នាំ អ្នកទាំងបីរស់នៅភូមិនៅក្រាំង សង្កាត់ក្រាំងអំពិល ក្រុងកំពត ។ បច្ចុប្បន្នជនសង្ស័ យទាំង៥នាក់រួមនឹងវត្ថុតាងថ្នាំញៀនសមត្ថកិច្ចបានកសាងសំណុំរឿងបញ្ជូនទៅតុលាការដើម្បីអនុវត្តទៅតាមនីតិវិធីតាមផ្លូវច្បាប់ ៕
ចែករំលែកព័តមាននេះ