មិនដឹងថាត្រូវថ្នាំសណ្តំឬចាញ់បោកគេបានជាមានក្រដាសបញ្ចាំ
រាជធានីភ្នំពេញ ៖ បុរសម្នាក់មិនដឹងថា ចាញ់បោកអ្នកណារឿងអីឲ្យពិតប្រាកដទេបានយកម៉ូតូទៅបញ្ចាំចំនួន៥៥០ដុល្លារហើយត្រលប់ទៅផ្ទះវិញបានប្រាប់ប្រពន្ធថា
រាជធានីភ្នំពេញ ៖ បុរសម្នាក់មិនដឹងថា ចាញ់បោកអ្នកណារឿងអីឲ្យពិតប្រាកដទេបានយកម៉ូតូទៅបញ្ចាំចំនួន៥៥០ដុល្លារហើយត្រលប់ទៅផ្ទះវិញបានប្រាប់ប្រពន្ធថា
រាជធានីភ្នំពេញ ៖ បុរសម្នាក់មិនដឹងថា ចាញ់បោកអ្នកណារឿងអីឲ្យពិតប្រាកដទេបានយកម៉ូតូទៅបញ្ចាំចំនួន៥៥០ដុល្លារហើយត្រលប់ទៅផ្ទះវិញបានប្រាប់ប្រពន្ធថា ត្រូវថ្នាំសណ្តំអស់ម៉ូតូមួយគ្រឿងតែមានក្រដាសបញ្ចាំម៉ូតូតម្លៃ៥៥០ដុល្លារនៅក្នុងហោប៉ៅខោ បង្កឱ្យមានការភ្ញាក់ផ្អើលឡើងនៅវេលាម៉ោង៤និង៣០នាទីល្ងាច ថ្ងៃទី២១ ខែមិថុនា ឆ្នាំ២០១៧ នៅក្នុងផ្ទះជួលមួយកន្លែងម្ដុំផ្សារដីថ្មី ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ។ ជនរងគ្រោះដែលអះអាងថា គេដាក់ថ្នាំសណ្តំយកម៉ូតូទៅបញ្ចាំនោះមានឈ្មោះ មាង ឈុយ ភេទប្រុស អាយុ២១ឆ្នាំ ស្នាក់នៅផ្ទះជួលម្តុំផ្សារដីថ្មី សង្កាត់ស្ទឹងមានជ័យ ខណ្ឌមានជ័យ មានប្រពន្ធឈ្មោះ សាន ចន្នី អាយុ២០ឆ្នាំ មុខរបរកម្មកររោងចក្រស្នាក់នៅជាមួយគ្នា មានស្រុកកំណើតនៅភូមិត្រពាំងជ័រ ឃុំម្រាម ស្រុករមាសហែក ខេត្តស្វាយរៀង ។ ចំណែកម៉ូតូដែលថា គេដាក់ថ្នាំយកទៅបញ្ចាំគឺម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៤ ពាក់ស្លាកលេខ ស្វាយរៀង 1G-3530 ។
តាមសម្ដីបុរសដែលថា ត្រូវថ្នាំសណ្ដំរបស់គេបានឱ្យដឹងថា នៅម៉ោង៦ព្រឹកថ្ងៃទី២១ ខែមិថុនា រូបគាត់បានជិះម៉ូតូចេញពីបន្ទប់ជួលដើម្បីដើររកការងារធ្វើតាមរោងចក្រ លុះពេលម៉ោង៩ព្រឹកថ្ងៃដដែលរូបគាត់ទៅរកការងារនៅម្ដុំផ្សារដីហុយ សង្កាត់ទឹកថ្លា ខណ្ឌសែនសុខ ក៏ស្រាប់តែបុរសម្នាក់ដែលមិនធ្លាប់ស្គាល់គ្នាសោះបានយកកាហ្វេមួយថង់ឱ្យគាត់ផឹក លុះពេលគាត់ផឹកកាហ្វេរួចហើយស្រាប់តែរូបគាត់លែងដឹងអ្វីទាំងអស់ គ្រាន់តែដឹងថាមានបុរសម្នាក់ដែលឱ្យកាហ្វេគាត់ហូបបានឌុបគាត់ទៅម្តុំស្តុបទេពផនក្រៅពីនោះគាត់លែងដឹងអ្វីទាំងអស់ ។ នៅពេលដែលរូបគាត់បានដឹងខ្លួនវិញស្រាប់តែរូបគាត់បានអង្គុយនៅក្រោមដើមឈើមួយកន្លែង តែមិនដឹងនៅទីណានោះទេរីឯម៉ូតូបាត់ហើយ តែនៅក្នុងហោប៉ៅមានសំបុត្របញ្ចាំម៉ូតូមួយសន្លឹកដែលស្នាមមេដៃរបស់គាត់បានបញ្ចាំម៉ូតូ យកប្រាក់ចំនួន៥៥០ដុល្លារ ។ បន្ទាប់មករូបគាត់បានហៅម៉ូតូឱ្យជូនរូបគាត់ទៅផ្ទះវិញឱ្យប្រពន្ធមើលក្រដាសបញ្ចាំម៉ូតូនោះ ប្រពន្ធគ្រាន់តែឃើញក្រដាសនោះគិតតែពីអង្គុយយំឱបប្តី ។
ក្រោយពីដឹងរឿងនេះហើយរូបគាត់ព្រមទាំងប្រពន្ធបាននាំគ្នាទៅនគរបាលប៉ុស្តិ៍ស្ទឹងមានជ័យលុះពេលនគរបាលប៉ុស្តិ៍ស្ទឹងមានជ័យសាកសួរពីដំណើររឿងទៅហាក់បីដូចជាមិនស៊ីសង្វាក់គ្នានឹងរឿងនេះសោះ ពីព្រោះបុរសដែលថាត្រូវថ្នាំមានសភាពមាំទាំធម្មតាមិនដូចជាអ្នកដែលត្រូវថ្នាំសណ្តំដទៃសោះ បន្ទាប់ពីសាកសួរដឹងថាមិនមែនជាករណីកើតឡើងនៅខណ្ឌមានជ័យនោះទេគឺនៅខណ្ឌទួលគោកដូច្នេះហើយនគរបាលប៉ុស្តិ៍ស្ទឹងមានជ័យបានឱ្យជនរងគ្រោះទៅពាក្យបណ្តឹងនៅខណ្ឌទួលគោកតែពេលជនរងគ្រោះមិនបានទៅដាក់ពាក្យបណ្តឹងនៅខណ្ឌទួលគោកនោះទេ សុខចិត្តទូរស័ព្ទឱ្យអ្នកបងប្អូននៅស្រុកកំណើតលក់មាសយកលុយមកលោះម៉ូតូវិញ ។ ជុំវិញករណីខាងលើនេះសមត្ថកិច្ចសង្ស័យថា មិនមែនត្រូវថ្នាំសណ្តំទេ សង្ស័យថាជាករណីចាញ់បោកគេហើយយកម៉ូតូទៅបញ្ចាំ ព្រោះនៅជាប់នឹងខ្លួនមានក្រដាសបញ្ចាំម៉ូតូដែលមានស្នាមមេដៃរបស់ម្ចាស់ម៉ូតូនៅលើក្រដាសបញ្ចាំម៉ូតូ ៕
ចែករំលែកព័តមាននេះ