ខេត្តបាត់ដំបង ៖ សេចក្តីរាយការណ៍ឱ្យដឹងថា នារីក្រមុំម្នាក់ត្រូវស្លាប់យ៉ាងអាណោចអាធ័ម បន្ទាប់ពីនាងជិះម៉ូតូ ស្រាប់តែដួលបោកក្បាល កើតឡើងកាលពីវេលាម៉ោង១រសៀលថ្ងៃទី២១ មិថុនា ស្ថិតនៅលើផ្លូវជាតិលេខ៥៧ ក្នុងភូមិសំរោង ឃុំស្នឹង ស្រុកបាណន់ ខេត្តបាត់ដំបង ។
នារីរងគ្រោះឈ្មោះណុញ ពៅ អាយុ១៨ឆ្នាំ រស់នៅភូមិជីសាង ឃុំត្រែងស្រុករតន:មណ្ឌល ជិះម៉ូតូម៉ាកហុងដាពាក់ស្លាកលេខបាត់ដំបង 1V-8323 ។
យោងតាមប្រភពពីសមត្ថកិច្ចថា នារីរងគ្រោះ គឺមិនបានពាក់មួកសុវត្ថិភាពទេ ធ្វើដំណើរម្នាក់ឯងក្នុងទិសដៅពីត្បូង ទៅជើង ។លុះជិះមកដល់ចំណុចកើតហេតុ មិនដឹងមូលហេតុយ៉ាងម៉េចបែរជាដួលម៉ូតូបោកក្បាលពេញទំហឹងបោកស្លាប់តែម្ដង។
ក្រោយកើតហេតុ មានមន្ត្រីចរាចរណ៍ បានចុះទៅកន្លែងកើតហេតុភ្លាមៗ ដោយបានប្រគល់ម៉ូតូ និងសាកសពនារីរងគ្រោះទៅក្រុមគ្រួសារធ្វើបុណ្យតាមប្រពៃណី ។
ចែករំលែកព័តមាននេះ