រាជធានីភ្នំពេញ ៖ បុរស២នាក់ជិះម៉ូតូទៅទិញស្រាផឹក អត់បានដកកូនសោចេញពីម៉ូតូ ភ្លេចខ្លួនមួយភ្លែត ជនសង្ស័យលួចយកម៉ូតូទៅបាត់ បង្កឲ្យមានការភ្ញាក់ផ្អើលឡើងនៅវេលាម៉ោង១១និង២០នាទីយប់ ថ្ងៃទី២១ ខែមិថុនា ឆ្នាំ២០១៧ ទុលមុខនឹងស្ថានីយប្រេងឥន្ធនៈតូតាល ផ្លូវព្រះមុនីវង្ស កែងផ្លូវ៣១០ សង្កាត់បឹងកេងកង៣ ខណ្ឌចំការមន ។
រាជធានីភ្នំពេញ ៖ បុរស២នាក់ជិះម៉ូតូទៅទិញស្រាផឹក អត់បានដកកូនសោចេញពីម៉ូតូ ភ្លេចខ្លួនមួយភ្លែត ជនសង្ស័យលួចយកម៉ូតូទៅបាត់ បង្កឲ្យមានការភ្ញាក់ផ្អើលឡើងនៅវេលាម៉ោង១១និង២០នាទីយប់ ថ្ងៃទី២១ ខែមិថុនា ឆ្នាំ២០១៧ ទុលមុខនឹងស្ថានីយប្រេងឥន្ធនៈតូតាល ផ្លូវព្រះមុនីវង្ស កែងផ្លូវ៣១០ សង្កាត់បឹងកេងកង៣ ខណ្ឌចំការមន ។
ជនរងគ្រោះទាំងពីរនាក់មិនឲ្យដឹងឈ្មោះនោះទេ ហើយម៉ូតូដែលជនសង្ស័យលួចយកម៉ាក Honda Dream ពណ៌ខ្មៅ ស៊េរីឆ្នាំ២០១៧ មិនប្រាប់ស្លាកលេខ ។ តាមសម្តីជនរងគ្រោះបានឲ្យដឹងថា មុនពេលកើតហេតុ ពួកគេមានគ្នាពីរនាក់ បានចេញពីផ្ទះនៅម្តុំបឹងត្របែក ខណ្ឌចំការមន គោលបំណងទៅទិញស្រាយកទៅផឹកបន្តទៀត ខណៈពេលជិះម៉ូតូទៅដល់កន្លែងលក់ស្រាខាងលើ ពួកគេទាំងពីរនាក់បានចុះពីម៉ូតូ ចូលទៅទិញស្រា ដោយមិនបានដកកូនសោចេញពីម៉ូតូនោះទេ គ្រាន់តែពួកគេភ្លេចខ្លួនមួយភ្លែត ក្រឡេកមកមើលម៉ូតូរបស់ខ្លួនវិញ ស្រាប់តែអត់ឃើញម៉ូតូរបស់ខ្លួន ទើបមានការឆោឡោឡើងថាបាត់ម៉ូតូ ផ្អើលដល់ប្រជាពលរដ្ឋ និងសមត្ថកិច្ចបានចុះទៅដល់កន្លែងកើតហេតុ ។
ក្រោយពេលកើតហេតុ បុរសទាំងពីរនាក់ត្រូវសមត្ថកិច្ចដឹកតាមម៉ូតូយកទៅសាកសួរ និងដាក់ពាក្យបណ្ដឹងនៅប៉ុស្តិ៍នគរបាលបឹងកេងកង៣ ៕
ចែករំលែកព័តមាននេះ