រាជធានីភ្នំពេញ ៖ រថយន្ត២គ្រឿងបុកគ្នានៅផ្លូវបំបែកជាបួន បណ្តាលឲ្យរងការខូចខាតរថយន្តទាំងសងខាង មិនបណ្តាលឲ្យមានគ្រោះដល់អ្នកបើកបរទេ ខណៈពេលដែលអ្នកបើកបរកំពុងតែចរចាគ្នា ស្រាប់តែលេចមុខលោកមេប៉ុស្តិ៍បឹងកេងកង២ មិនដឹងថាមកពីផឹកស៊ីនៅកន្លែងណាទេ ក្នុងស្ថានភាពស្រវឹងជិះម៉ូតូមួយគ្រឿងមកដល់បានទាញទូរស័ព្ទដើរថតគេឯងពាសពេញផ្លូវ បង្កឲ្យមានការភ្ញាក់ផ្អើលកាលពីវេលាម៉ោង១១និង៥០នាទីយប់ ថ្ងៃទី២១ ខែមិថុនា ឆ្នាំ២១០៧ ទល់មុខនឹងមួយកន្លែង ផ្លូវ១១៣កែង និងផ្លូវ២៧៨ សង្កាត់បឹងកេងកង២ ខណ្ឌចំការមន ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញ រថយន្តតាក់ស៊ីម៉ែត្រ ពណ៌ក្រហម ពាក់ស្លាកលេខ ភ្នំពេញ ២AA-៣៥៤៣ បានបើកដឹកភ្ញៀវស្រីម្នាក់ បានធ្វើដំណើរតាមផ្លូវ១១៣ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ដែលជាផ្លូវបំបែកជាបួន ក៏ស្រាប់តែមានបុរសម្នាក់បានបើករថយន្តម៉ាក កាមរី ពណ៌ស ពាក់ស្លាកលេខ ភ្នំពេញ ២W-៦៣៤៩ ធ្វើដំណើរតាមផ្លូវ២៧៨ ទិសដៅពីលិចទៅកើត ក្នុងល្បឿនយ៉ាងលឿន និងស្រវឹងក៏ជ្រុលទៅបុកនឹងរថយន្តតាក់ស៊ីម៉ែត្រចំថ្ពាល់មុខចំហៀងខាងស្ដាំ បណ្តាលឲ្យរថយន្តតាក់ស៊ី រងកាខូចខាតក្រពឹតថ្ពាល់មុខចំហៀងខាងស្ដាំ តែមិនបណ្ដាលឲ្យមានគ្រោះថ្នាក់អ្នកជិះក្នុងរថយន្តនោះទេ ។ ភ្លាមៗនោះ ភ្ញៀវដែលជិះក្នុងរថយន្តបានចុះពីលើរថយន្តលើជិះរថយន្តមួយគ្រឿងទៀត បន្តទៅមុខបន្តទៀតបាត់ ។ ដោយឡែករថយន្តម៉ាក កាមរី វិញ រងកាខូចខាត ក្រពឹតថ្ពាល់ចំហៀងខាងឆ្វេង តែមិនមានគ្រោះថ្នាក់អ្នកបើកបរដូចគ្នា ។ ភ្លាមៗនោះ ភាគីទាំងសងខាងបានចរចារគ្នាមិនត្រូវនោះទេ ក៏ឲ្យសមត្ថកិច្ចជំនាញខណ្ឌមកធ្វើវាស់វែង ស្រាប់តែឃើញលោកមេប៉ុស្តិ៍បឹងកេងកង២ មិនដឹងថាមកពីផឹកស៊ីនៅកន្លែងណានោះទេ ជិះម៉ូតូមួយគ្រឿងមកដល់ ក្នុងស្ថានភាពស្រវឹងជោក បានយកទូរស័ព្ទដើរថតអ្នកចោមរោមមើល ថតប្រជាពលរដ្ឋ និងអ្នកសារព័ត៌មានទៀត ធ្វើឲ្យអ្នកឃើញហេតុការណ៍ហួសចិត្តគ្រប់គ្នានឹងទង្វើរបស់លោកមេប៉ុស្តិ៍ ខាងលើ ។
ក្រោយពេលកើតហេតុ រថយន្តទាំងពីរគ្រឿងត្រូវសមត្ថកិច្ចជំនាញយកទៅរក្សាទុកនៅ ការិយាល័យចរាចរណ៍ជើងគោករាជធានីភ្នំពេញ ដើម្បីរងចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ