រាជធានីភ្នំពេញ ៖ បុរសម្នាក់ជិះម៉ូតូទាក់ដៃចង្កូតគ្នាជាមួយនឹងម៉ូតូមួយគ្រឿងទៀត បណ្តាលឲ្យខ្ទាតចូលក្រោមរថយន្តកុងតឺន័រ កិនបែកក្បាលស្លា.ប់គួរឲ្យរន្ធត់ ហេតុការណ៍នេះកើតឡើងនៅវេលាម៉ោង០៨យប់ ថ្ងៃទី២១ ខែមិថុនា ឆ្នាំ២០១៧ ទុលមុខកន្លែងកុងស៊ីកា.ប់ជ្រូក ផ្លូវវ៉េងស្រេង ភូមិដំណាក់៤ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ បុរសម្នាក់ជិះម៉ូតូទាក់ដៃចង្កូតគ្នាជាមួយនឹងម៉ូតូមួយគ្រឿងទៀត បណ្តាលឲ្យខ្ទាតចូលក្រោមរថយន្តកុងតឺន័រ កិនបែកក្បាលស្លាប់គួរឲ្យរន្ធត់ ហេតុការណ៍នេះកើតឡើងនៅវេលាម៉ោង០៨យប់ ថ្ងៃទី២១ ខែមិថុនា ឆ្នាំ២០១៧ ទុលមុខកន្លែងកុងស៊ីកាប់ជ្រូក ផ្លូវវ៉េងស្រេង ភូមិដំណាក់៤ សង្កាត់ស្ទឹងមានជ័យ ខណ្ឌមានជ័យ ។
សពជនរងគ្រោះមានឈ្មោះ ជា សាវ៉ាត ភេទប្រុស អាយុ៣៣ឆ្នាំ មុខរបរកម្មកររោងចក្រ ស្នាក់នៅភូមិទឹកថ្លា សង្កាត់ទឹកថ្លា ខណ្ឌសែន ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសរងគ្រោះ គឺជិះម៉ូតូម៉ាក Honda Icon ពណ៌សលាយខៀវ ពាក់ស្លាកលេខ ភ្នំពេញ ១AM-7854 បានធ្វើដំនើរតាមផ្លូវវ៉េងស្រេង ក្នុងទិសដៅពីកើតទៅលិច មិនដឹងថាគោលបំណងទៅណានោះទេ ខណៈមកដល់ចំណុចកើតហេតុ ស្រាប់តែទាក់ដៃចង្កូតគ្នាជាមួយនឹងម៉ូតូមួយគ្រឿងទៀតមិនចាំម៉ាក ដែលជិះស្របទិសគ្នា បណ្តាលឲ្យបុរសជនរងគ្រោះដួលខ្ទាតចូលក្រោមរថយន្តសណ្ដោងកុងតឺន័រ ពណ៌ទឹកប្រាក់ ពាក់ស្លាកលេខ ព្រះសីហនុ ៣A-២៦៩៤ ជារថយន្តរបស់ក្រុមហ៊ុនមួយ ធ្វើដំណើរស្របទិសគ្នា ធ្វើឲ្យកង់រថយន្តកិនចំក្បាលជនរងគ្រោះ ដែលពាក់មួកការពារសុវត្ថិភាព បែកទាំងក្បាលមនុស្ស និងមួកសុវត្ថិភាពខ្ទេច ហូរឈាមស្លាប់នៅនឹងកន្លែង យ៉ាងអណោចអាធ័ម ។ ដោយឡែករថយន្តកុងតឺន័រ នៅពេលបង្កហេតុហើយ បានបន្ថែមល្បឿនរត់គេចពីកន្លែងកើតហេតុ បាន៥០០ម៉ែត្រ បានឈប់រថយន្តទុកចោល រួចហើយអ្នកបើកបរបានរត់គេខ្លួនបាត់ ។
ក្រោយពេលកើតហេតុឃើញមានសាច់ញាតិ ឪពុកម្ដាយបងប្អូនរបស់ជនរងគ្រោះ បានមកយំសោកបោកខ្លួនឱបសពជនរងគ្រោះ ទាំងអារម្មណ៍សោកស្ដាយបំផុតនៅកណ្តាលភ្លៀង តែម្តង ។ រថយន្ត និងម៉ូតូត្រូវបានសមត្ថកិច្ចជំនាញមកវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរងចាំធ្វើការដោះស្រាយតាមច្បាប់ ៕
ចែករំលែកព័តមាននេះ