ខេត្តព្រះសីហនុ ៖ ពិតជាសំណាងមួយ ក្នុងមួយពាន់គ្រោះថ្នាក់ និងស្ទើតែមិនគួរឲ្យជឿ ខណៈពេលរថយន្តជនជាតិស្រវឹងជោកជាំ បានរេចង្កូតបុកម៉ូតូជនជាតិបារាំង បណ្ដាលឲ្យហោះផ្លោងពុះទ្រូងចែកផ្លូវ លាន់សូរដូចរន្ទះទាំងកណ្តាលអធ្រាត ។
ខេត្តព្រះសីហនុ ៖ ពិតជាសំណាងមួយ ក្នុងមួយពាន់គ្រោះថ្នាក់ និងស្ទើតែមិនគួរឲ្យជឿ ខណៈពេលរថយន្តជនជាតិស្រវឹងជោកជាំ បានរេចង្កូតបុកម៉ូតូជនជាតិបារាំង បណ្ដាលឲ្យហោះផ្លោងពុះទ្រូងចែកផ្លូវ លាន់សូរដូចរន្ទះទាំងកណ្តាលអធ្រាត ។ ហេតុការណ៏នេះបានកើតឡើងនៅវេលាម៉ោង០០និង៤០នាទីយប់ឈានចូលថ្ងៃទី២២ ខែមិថុនា ឆ្នាំ២០១៧ ត្រង់ចំណុចក្នុងភូមិ០៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
ជុំវិញករណីគ្រោះថ្នាក់ចរាចរណ៏នេះផងដែរ លោកវរសេនីយ៏ឯក អ៊ី សុខា ស្នងការរងទទួលផែនសណ្តាប់ធ្នាប់ នៃស្នងការដ្ឋាននគរបាលខេត្តព្រះសីហនុ បានថ្លែងបញ្ជាក់ថា ករណីនេះបង្កឡើងដោយរថយន្តម៉ាក Lexus RX300 ពណ៏ខ្មៅ ពាក់ស្លាកលេខ ភ្នំពេញ ២Q-៥៩៨៩ បើកបរដោយជនជាតិចិនឈ្មោះ HUANG SUN BAO ភេទប្រុស អាយុ២៦ឆ្នាំ មានទីលំនៅសង្កាត់លេខ៣ ក្រុងព្រះសីហនុ បានបើករេចង្កូតទៅបុកម៉ូតូជនជាតិបារាំងម៉ាក Suzuki Step គ្មានស្លាកលេខ (ម៉ូតូខូច) ដែលកំពុងបណ្តើរនៅចិញ្ចើមថ្នល់ដោយឈ្មោះ HOCHART ភេទប្រុស អាយុ៤៥ឆ្នាំ មានទីលំនៅសង្កាត់លេខ៣ដូចគ្នា ខ្ទាតចម្ងាយប្រមាណជាង១០ម៉ែត្រ រួចបន្តទៅបុកខឿនពុះទ្រូងចែកផ្លូវ ឆ្លងទៅផ្លូវម្ខាងទៀត ប៉ុន្តែសំណាងល្អពុំបណ្តាលឲ្យគ្រោះថ្នាក់ធ្ងន់ធ្ងរទៅលើមនុស្សណាម្នាក់ឡើយ គឺមានការខូចខាតតែម៉ូតូ តែប៉ុណ្ណោះ ។ ប្រភពដ៏ដែលបានបន្តថា ក្រោយការត្រួតពិនិត្យរួច ជនជាតិដែលបើករថយន្តបង្កគ្រោះថ្នាក់នោះមានជាតិស្រវឹង រហូតដល់ ១.០១ ក្នុងមិល្លីលីតខ្សល់ជាចំនុចមួយខ្ពស់បំផុត ។
ក្រោយកើតហេតុ ជនជាតិចិនខាងលើ ត្រូវបានសមត្ថកិច្ចកសាងសំណុំរឿង ទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់ ដោយមិនអាចលើកលែងបាននោះទេ ។
ចែករំលែកព័តមាននេះ