ខេត្តកណ្ដាល ៖ បុរសម្នាក់ត្រូវបាននគរបាលស្រុកខ្សាច់កណ្ដាលចាប់ខ្លួន បន្ទាប់ពីផឹកស្រាស្រវឹង វាយប្រពន្ធ ហើយគេចខ្លួនបានមួយថ្ងៃ វិលមកវិញឈ្លោះជាមួយប្រពន្ធម្ដងទៀត លោកនាយប៉ុស្ដិ៍ចូលទៅឃាត់ ដាល់ត្រូវមួយដៃ បណ្ដាលឲ្យនាយប៉ុស្ដិ៍សន្លប់ឈឹង កាលពីម៉ោង០៧យប់ ថ្ងៃទី២០ ខែមិថុនា ឆ្នាំ២០១៧ នៅភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្តាល ។
ខេត្តកណ្ដាល ៖ បុរសម្នាក់ត្រូវបាននគរបាលស្រុកខ្សាច់កណ្ដាលចាប់ខ្លួន បន្ទាប់ពីផឹកស្រាស្រវឹង វាយប្រពន្ធ ហើយគេចខ្លួនបានមួយថ្ងៃ វិលមកវិញឈ្លោះជាមួយប្រពន្ធម្ដងទៀត លោកនាយប៉ុស្ដិ៍ចូលទៅឃាត់ ដាល់ត្រូវមួយដៃ បណ្ដាលឲ្យនាយប៉ុស្ដិ៍សន្លប់ឈឹង កាលពីម៉ោង០៧យប់ ថ្ងៃទី២០ ខែមិថុនា ឆ្នាំ២០១៧ នៅភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលស្រុកខ្សាច់កណ្ដាល បានឲ្យដឹងថា ជនសង្ស័យដែលបានចាប់ខ្លួនជាប្តីឈ្មោះ ម៉ោង ផល្លី ភេទប្រុស អាយុ៣២ឆ្នាំ ជនជាតិខ្មែរ មុខរបររត់ម៉ូតូកង់បី មានទីលំនៅភូមិឃុំកើតហេតុ ។ ចំណែកជនរងគ្រោះ ទី១.ឈ្មោះ លី វួចហេង ភេទស្រី អាយុ២៥ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិឃុំកើតហេតុ (ជាប្រពន្ធ) និងទី២.ឈ្មោះ ពៅ ភន ភេទប្រុស អាយុ៥៣ឆ្នាំ ជនជាតិខ្មែរ មុខរបរនគរបាល ឋានៈនាយប៉ុស្តិ៍ព្រះប្រសប់ ។ មន្ត្រីនគរបាលបានឲ្យដឹងបន្ថែមថា កន្លងមកជនសង្ស័យធ្លាប់ធ្វើសកម្មភាពប្រើហិង្សាជាច្រើនលើកលើប្រពន្ធ ។ លុះដល់ម៉ោង០៩យប់ ថ្ងៃទី១៩ ខែមិថុនា នេះ ពេលដែលជនសង្ស័យមានសភាពស្រវឹងស្រាខ្លាំង បានឈ្លោះប្រកែកទាស់ពាក្យសម្ដីជាមួយប្រពន្ធ ដោយសារប្រចណ្ឌ ចោទប្រកាន់ប្រពន្ធថា មានប្រុសផ្សេង បានវាយប្រពន្ធត្រូវមុខ និងទ្រូង ។ ពេលវាយហើយជនសង្ស័យបានជិះម៉ូតូកង់បីគេចទៅភ្នំពេញបាត់ទៅ ។ លុះដល់ម៉ោង០៧និង៣០នាទីយប់ ថ្ងៃទី២០ ខែមិថុនា ឆ្នាំ២០១៧ ជនសង្ស័យបានជិះកង់បីមកដល់ផ្ទះវិញ បានរករឿងឈ្លោះប្រកែកទាស់ជាមួយប្រពន្ធ តាមវាយប្រពន្ធ ដោយប្រចណ្ឌប្រពន្ធ ។
ពេលកំពុងវាយប្រតាយប្រតប់គ្នាជាមួយប្រពន្ធនោះ លោក ពៅ ភន នាយប៉ុស្តិ៍ព្រះប្រសប់ ចុះមកអន្តរាគមន៍ ឃាត់ជនសង្ស័យ ពេលឃាត់នោះ ត្រូវជនសង្ស័យដាល់ត្រូវក្បាលផ្នែកខាងក្រោយមួយដៃពេញទំហឹង បណ្ដាលឲ្យដួលសន្លប់បាត់ស្មារតីនៅនឹងកន្លែង ហើយត្រូវគេជួយសង្គ្រោះ ។ បន្ទាប់មកកម្លាំងអធិការនគរបាលស្រុក បានចាប់ឃាត់ខ្លួនជនសង្ស័យបញ្ជូនមកអធិការដ្ឋាន ដើម្បីកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ