រាជធានីភ្នំពេញ ៖ រថយន្តម៉ាក ហ៊ីយ៉ាន់ដាយ មួយគ្រឿង បើកបរដោយតាអាចារ្យវត្តអង្គនិស្ស័យ បានបើកបោះពួយក្នុងល្បឿនលឿន ហើយគេចរថយន្តដឹកកម្មករមួយគ្រឿង នៅពីមុខ ក៏រេចង្កូតធ្លាក់ផ្លូវ ក្រឡាប់ជាច្រើនត្រលប់ទៅបោកផ្ទប់នឹងបង្គោលភ្លើង ជាប់ទៅមុខលែងរួច ។ គ្រោះថ្នាក់នេះបណ្តាលឲ្យលោកតាអាចារ្យរងរបួសបន្តិចបន្តួច ។
រាជធានីភ្នំពេញ ៖ រថយន្តម៉ាក ហ៊ីយ៉ាន់ដាយ មួយគ្រឿង បើកបរដោយតាអាចារ្យវត្តអង្គនិស្ស័យ បានបើកបោះពួយក្នុងល្បឿនលឿន ហើយគេចរថយន្តដឹកកម្មករមួយគ្រឿង នៅពីមុខ ក៏រេចង្កូតធ្លាក់ផ្លូវ ក្រឡាប់ជាច្រើនត្រលប់ទៅបោកផ្ទប់នឹងបង្គោលភ្លើង ជាប់ទៅមុខលែងរួច ។ គ្រោះថ្នាក់នេះបណ្តាលឲ្យលោកតាអាចារ្យរងរបួសបន្តិចបន្តួច ។
គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៦និង១៥នាទីព្រឹក ថ្ងៃទី២១ ខែមិថុនា ឆ្នាំ២០១៧ ស្ថិតនៅតាមបណ្តោយផ្លូវលំ ក្នុងភូមិកន្លែងគល់ សង្កាត់ពន្សាំង ខណ្ឌព្រែកព្នៅ ។ រថយន្តដែលក្រឡាប់ម៉ាក ហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខភ្នំពេញ ២AO-១៣០៩ បើកបរដោយឈ្មោះ វុន ចក់ អាយុ៦២ឆ្នាំ ជាតាអាចារ្យនៅវត្តអង្គនិស្ស័យ មានទីលំនៅភូមិចំបក់ធំ សង្កាត់ពន្សាំង ខណ្ឌព្រែកព្នៅ រងរបួសស្រាល ។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញតាអាចារ្យបានបើករថយន្តខាងលើតែម្នាក់ឯង ចេញពីវត្តគោលបំណងទៅផ្ទះ ដោយធ្វើដំណើរតាមបណ្តោយផ្លូវលំ ក្នុងទិសដៅពីត្បូងទៅជើង ដោយល្បឿនលឿន ។ ខណៈពេលមកដល់ចំណុចកើតហេតុ ក៏មានរថយន្តមួយគ្រឿងមិនចាំម៉ាកដឹកកម្មករ-កម្មការិនីមកពីមុខ ។ ភ្លាមនោះ លោកតាអាចារ្យ ក៏បានទាញចង្កូតគេច ទៅខាងស្តាំដៃ និងទាញចង្កូតមកឆ្វេងដៃវិញជាន់ហ្វ្រាំងបង្ខំ ក៏រេចង្កូតធ្លាក់ផ្លូវក្រឡាប់ ៣ត្រលប់ បោកទៅលើបង្គោលភ្លើងរងខូចខាតយ៉ាដំណំ តែសំណាងល្អលោកតារបួសស្រាល ។ បន្ទាប់ពីគ្រោះថ្នាក់ លោកតាអាចារ្យ ក៏បានហៅរថយន្តមកស្ទួច បញ្ជូនទៅកាន់យានដ្ឋានដើម្បីជួសជុល ៕
ចែករំលែកព័តមាននេះ