បុរសអាយុ៤៨ឆ្នាំម្នាក់បានលង់ស្នេហ៍ស្ត្រីពេស្យា ហើយគ្រោងរៀបការក្នុងពេល ឆាប់ៗខាងមុខ ។
លោកអ៊ែនដ្រូ ហាម័រ មន្ត្រីជនជាតិអង់គ្លេសអាយុ៤៨ឆ្នាំ មិនធ្លាប់មានស្នេហាទេ ព្រោះជាមនុស្សពូកែខ្មាសអៀន និងគ្មានទំនុកចិត្តលើខ្លួនឯង ។ ដោយសារតែការអផ្សុកលោកសម្រេចចិត្តទៅរកស្រីពេស្យា ហើយបានលង់ស្នេហ៍ និងសុំនាងរៀបការ ។
រឿងរ៉ាវរបស់លោកអ៊ែនដ្រូ និងនារីពេស្យា បានបង្ហាញតាមរយៈវេបសាយ«Mirror»កាលពីថ្ងៃទី១៧ មិថុនា ២០១៧ ។
នារីដែលលោកអ៊ែនដ្រូ លង់ស្នេហ៍នោះឈ្មោះKat Lee អាយុ៣១ឆ្នាំ ។ អ្នកទាំង២បានជួបគ្នាលើកដំបូងនៅរដូវស្លឹកឈើជ្រុះកាលពីឆ្នាំមុន ។ ជួបគ្នាភ្លាមលោកអ៊ែនដ្រូ លង់ស្នេហ៍ភ្លាម ហើយបបួលនាងទៅដើរកម្សាន្តនៅក្រុងប៉ារីស និងសុំនាងធ្វើជាសង្សារ ។
ពេលត្រឡប់មកអង់គ្លេសវិញ លោកអ៊ែនដ្រូ ធ្វើឱ្យKatមានក្តីរំភើបរីករាយដោយប្រគល់ចិញ្ចៀនពេជ្រតម្លៃ២០០ផោន សុំនាងធ្វើជាភរិយា ហើយនាងយល់ព្រមដោយរីករាយ ។ ទោះបីជាក្រោយពេលរៀបការរួចហើយក៏ដោយ លោកអ៊ែនដ្រូ មិនរារាំងទេ ប្រសិនបើKatនៅប្រកបអាជីពរបស់ខ្លួនបន្តទៀត ។ លោកបញ្ជាក់ថា«មានមនុស្សជាច្រើនដែលអាជីពរបស់នាង ប៉ុន្តែចំពោះខ្ញុំមិនមែនជាមនុស្សប្រភេទនោះទេ អាចចែករំលែកបានថាតើKatបានប្រព្រឹត្តអ្វី គឺជាការងាររបស់មនុស្សផ្សេងគ្នា ។
ខ្ញុំដឹងច្បាស់នាងធ្វើការអ្វី ប៉ុន្តែមិនគិតថានាងនឹងមានអារម្មណ៍អ្វីលើបុរសទាំងនោះទេ គឺជាការងាររបស់នាង ។ នាងរួមរ័ក ប៉ុន្តែមិនផ្តោតសំខាន់លើក្តីស្រឡាញ់ វាមិនដូចអ្វីដែលយើងប្រតិបត្តិរួមគ្នាឡើយ» ៕
ចែករំលែកព័តមាននេះ