យោងតាមអ្នកជំនាញការប៉ូឡូញម្នាក់ថា ប្រទេសរបស់គេក៏ដូចជាប្រទេសឯទៀតៗជាសមាជិកអូតង់ដែរត្រូវបង្ខំឱ្យទិញបណ្តាអាវុធផលិតនៅអាមេរិក ដែលកងទ័ពអាេមរិកមិនទាំងបំពាក់អាវុធទាំងនេះផង ។
លោក TOMASZ JANKOWSKI នៃមជ្ឈមណ្ឌលស្រាវជ្រាវភូមិសាស្ត្រនយោបាយអឺរ៉ុបនិយាយថា សហរដ្ឋអាមេរិកបានធ្វើការគាបសង្កត់នានាលើបណ្តាសម្ព័ន្ធមិត្តក្នុងផ្ទៃអូតង់ឱ្យទិញអាវុធទាំងឡាយ ផលិតនៅអាមេរិកដែលទាំងក្រុងវ៉ាស៊ីនតោន មិនត្រូវការផង ។ រឿងបែបនេះទាំងបណ្តាមន្ត្រីអាមេរិកយល់ថាជាសញ្ញាមួយនៃវិបត្តិក្នុងឧស្សាហកម្មការពារសហរដ្ឋអាមេរិក ។
ក្នុងបទសម្ភាសន៍ជាមួយ SPUTNIK អ្នកជំនាញការប៉ូឡូញរូបនេះបន្តថា ប៉ូឡូញចាប់តាំងពីយូរមកហើយចាត់ទុកជាប្រភពចំណូលមួយសម្រាប់ឧស្សាហកម្មយោធាអាមេរិក ។ ឧទាហរណ៍យើងទិញបណ្តាយន្តហោះប្រដេញធុន F-16 និងបណ្តាមីស៊ីល PATRIOT ។
គួរឱ្យសោកស្តាយប្រទេសជាសមាជិកអូតង់ភាគច្រើននឹងត្រូវដើរតាមផ្លូវនេះដែរ ។ អាជ្ញាធរលើកហេតុពីការបង្កើនការចំណាយយោធាមកពីការគំរាមកំហែងរបស់រុស្ស៊ី ។ ប៉ុន្តែមួយផ្នែកយ៉ាងធំនៃការចំណាយនេះពុំមែនសម្រាប់ធ្វើទំនើបភាវូបនីយកម្មកងទ័ពទេ តែសម្រាប់ទិញបណ្តាអាវុធអាេមរិក ដែលអាេមរិកខ្លួនឯងមិនទាំងប្រើប្រាស់ផង ។ ឧទាហរណ៍មីស៊ីល PATRIOT អាមេរិកមិនទាំងបំពាក់ឱ្យកងទ័ពខ្លួនផង ចាប់តាំងពីមួយរយៈពេលមកហើយ ក៏ប៉ុន្តែបណ្តាសហគ្រាសយោធានៅតែលក់អាវុធទាំងនេះ ដើម្បីទាញយកកម្រៃ ៕
ចែករំលែកព័តមាននេះ