អត្រាឆ្លងមេរោគអេដស៍ក្នុងចំណោមស្ដ្រី អាស៊ីស្ថិតនៅលើចំណុចមួយកើនឡើងដែល ទាមទារឱ្យមានអាទិភាពក្នុងការរៀបចំ គោលនយោបាយជាថ្មីស្ដីពីបញ្ហានេះ នេះបើ តាមការព្រមានពីកម្មវិធីរួមមួយរបស់អង្គការសហប្រជាជាតិប្រយុទ្ធនឹង ជំងឺអេដស៍ (UNAIDS)។ទីភ្នាក់ងារសារព័ត៌មានឌីភីអេ (DPA) របស់ប្រទេសអាល្លឺម៉ង់បានរាយការណ៍នា ពេលថ្មីៗនេះថា នៅឆ្នាំ២០០៧ មានស្ដ្រីអាស៊ី សរុបប្រមាណជា៣៥ភាគរយរស់នៅជាមួយ
អត្រាឆ្លងមេរោគអេដស៍ក្នុងចំណោមស្ដ្រី អាស៊ីស្ថិតនៅលើចំណុចមួយកើនឡើងដែល ទាមទារឱ្យមានអាទិភាពក្នុងការរៀបចំ គោលនយោបាយជាថ្មីស្ដីពីបញ្ហានេះ នេះបើ តាមការព្រមានពីកម្មវិធីរួមមួយរបស់អង្គការសហប្រជាជាតិប្រយុទ្ធនឹងជំងឺអេដស៍ (UNAIDS)។ទីភ្នាក់ងារសារព័ត៌មានឌីភីអេ (DPA) របស់ប្រទេសអាល្លឺម៉ង់បានរាយការណ៍នា ពេលថ្មីៗនេះថា នៅឆ្នាំ២០០៧ មានស្ដ្រីអាស៊ី សរុបប្រមាណជា៣៥ភាគរយរស់នៅជាមួយ មេរោគអេដស៍ដែលកើនឡើងចំនួន១៨% បើ ប្រៀបធៀបទៅនឹងឆ្នាំ១៩៩០ ។ ទីភ្នាក់ងារសារព័ត៌មាននេះបានដកស្រង់សំដីរបស់លោក ស្រី ម៉ូនី ភីហ្ស៉ានី នាយិកាកម្មវិធីប្រចាំតំបន់ របស់មូលនិធិអភិវឌ្ឍន៍ស្ដ្រីរបស់អង្គការសហ ប្រជាជាតិ (United Nations Development Fund for Women) ដោយបាននិយាយថា បណ្ដារដ្ឋាភិបាលអាស៊ីត្រូវតែយកចិត្ដទុកដាក់ ចំពោះសេចក្ដីត្រូវការរបស់ស្ដ្រីនៅក្នុងគោល នយោបាយថ្នាក់ជាតិរបស់ខ្លួនដើម្បីទប់ស្កាត់ មេរោគនេះ ។
លោកស្រីម៉ូនី ភីហ្ស៉ានី បានប្រាប់សិក្ខា សាលាមួយនៅឯទីក្រុងប៉ាតាយ៉ា ប្រទេសថៃ ថា “ការដោះស្រាយបញ្ហាបទដ្ឋានយេនឌ័រ ប្រកបដោយគ្រោះថ្នាក់ដែលជាឫសគល់នៃ ការបង្កភាពងាយរងគ្រោះដល់ស្ដ្រីពី មេរោគអេដស៍ គឺជាកត្ដាដ៏សំខាន់ដើម្បីកាត់ ផ្ដាច់ទងនៃការរីករាលដាលមេរោគអេដស៍”។ តាមការបង្ហាញតួលេខរបស់ប្រទេសនីមួយៗ ចាប់ពីឆ្នាំ២០០៦ មកគឺបានឱ្យឃើញថា មាន មនុស្ស៤៧%នៅប្រទេសកម្ពុជា ៣៧%នៅ ប្រទេសឥណ្ឌា ២១%នៅឥណ្ឌូណេស៊ី ១៥% នៅម៉ាឡេស៊ី ២៤%នៅនេប៉ាល់ ៤០%នៅ ហ្វ៉ីលីពីន ៣៧%នៅប្រទេសស្រីលង្កា និង ៣៥%នៅប្រទេសថៃបានឆ្លងមេរោគអេដស៍ នេះបើតាមសេចក្ដីរាយការណ៍របស់ទីភ្នាក់ ងារសារព័ត៌មានឌីភីអេ នៅថ្ងៃទី២៨ មិថុនា កន្លងទៅនេះ ។
លោកស្រីម៉ូនី ភីហ្ស៉ានី ក៏បានទទូចដែរ ថា “មេដឹកនាំនយោបាយនានាត្រូវតែផ្ដល់ សិទ្ធិដល់អ្នករកស៊ីផ្លូវភេទ បុរសស្រលាញ់ បុរស អ្នកសេពបំពានគ្រឿងញៀន ហើយ ពិសេសទៅទៀត គឺដៃគូរួមភេទរបស់ពួកគេ ដើម្បីបង្ការឱ្យមានប្រសិទ្ធភាពពីការឆ្លង មេរោគអេដស៍សាជាថ្មី”។ ទីភ្នាក់ងារសារព័ត៌មានឌីភីអេ ក៏បានដក ស្រង់របាយការណ៍របស់គណៈកម្មាធិការអង្គការសហប្រជាជាតិប្រយុទ្ធនឹងជំងឺអេដស៍ ប្រចាំតំបន់អាស៊ី (Un Commission on AIDS in Asia) ក្នុងឆ្នាំ២០០៨ដែរថា បើតាមការប៉ាន់ប្រមាណ គឺមានស្ដ្រីអាស៊ី ប្រមាណជា១០លាននាក់បានប្រកបរបររក ស៊ីផ្លូវភេទ ហើយយ៉ាងហោចណាស់ក៏មាន បុរសអាស៊ីប្រមាណជា៧៥លាននាក់ដែរបាន ទិញសេវារួមភេទជាប្រចាំ ហើយថា យ៉ាង ហោចណាស់មានស្ដ្រីអាស៊ីចំនួន៥០លាននាក់ ប្រឈមនឹងគ្រោះថ្នាក់ពីការចំលងមេរោគ អេដស៍ពីដៃគូរួមភេទរបស់ខ្លួន។ ទន្ទឹមនឹងនោះ លោកជេន វិលសុន ទី ប្រឹក្សាយេនឌ័រប្រចាំតំបន់អាស៊ីប៉ាស៊ីហ្វិក របស់ UNAIDS ក៏បាននិយាយដែរថា “ការ ផ្ដោតលើការងារយេនឌ័រគឺជាចំណុចសំខាន់ដើម្បីទប់ស្កាត់ការរីករាលដាលមេរោគ អេដស៍ដែលការរីករាលដាលនេះបង្កឡើង ដោយសារវិសមភាពយេនឌ័រដែលកំពុងនាំឱ្យស្ដ្រី និងកុមារីស្ថិតនៅក្នុងហានិភ័យ”។
ថ្មីៗនេះលោកវេជ្ជបណ្ឌិត នុត សុខុម ទេសរដ្ឋមន្ដ្រី និងជាប្រធានអាជ្ញាធរជាតិ ប្រយុទ្ធនឹងជំងឺអេដស៍របស់ប្រទេសកម្ពុជា ក៏បានព្រមានដោយត្រង់ៗដែរថា រលកទីពីរ នៃការរីករាលដាលមេរោគអេដស៍ និងជំងឺ អេដស៍អាចវិលត្រឡប់មកកម្ពុជាវិញ បន្ទាប់ ពីមានសញាខ្លះគួរឱ្យភ្ញាក់ផ្អើល ដូចជាការ លេចឡើងនូវជំងឺកាមរោគខ្ពស់ជាងមុននៅ តាមខេត្ដមួយចំនួន ខណៈដែលអត្រារំលូត កូនក្នុងចំណោមនារីបំរើតាមសេវាកំសាន្ដ មានជាង៣០%។
លោកវេជ្ជបណ្ឌិតទា ផល្លា អនុប្រធាន អាជ្ញាធរជាតិប្រយុទ្ធនឹងជំងឺអេដស៍ក៏បាន រំលឹកផងដែរថា ក្នុងមួយថ្ងៃៗមានបុរសពី ៣០.០០០នាក់ទៅ៤០.០០០នាក់ ហើយដែល ក្នុងចំណោមពួកគេ គឺមាន៦០០នាក់ទៅ ៧០០នាក់ មានផ្ទុកមេរោគអេដស៍បានចេញ រកសេវាកំសាន្ដសប្បាយ (ស្វែងរកការរួមភេទ) និងមានស្ដ្រីចំនួនជាងបីម៉ឺននាក់បាន ចូលរួមក្នុងវិស័យនេះក្នុងមួយថ្ងៃ ហើយក្នុង ចំណោមស្ដ្រីទាំងនោះ គឺមានប្រមាណជា ៣.០០០នាក់មានផ្ទុកមេរោគអេដស៍ដែលជា ហានិភ័យដ៏ខ្ពស់មួយនៃការបង្កើតឱ្យមានការ ចំលងមេរោគអេដស៍ជំងឺអេដស៍ឡើងវិញ ព្រោះការប្រើប្រាស់ស្រោមអនាម័យរបស់ ពួកគេជាប់លាប់ និងមិនប្រើត្រឹមត្រូវ ៕
(ដោយ ឆាយ សុផល)
ចែករំលែកព័តមាននេះ