វេបសាយ «The Paper» របស់ចិន កាលពីពេលថ្មីៗកន្លងមកផ្សាយថា បុរសពាក់អាវខ្មៅម្នាក់បានប្រើល្បិចសម្តែងសៀករហស្សកម្មនៅតាមដងផ្លូវក្នុងក្រុងឈើងទូ ខេត្តស៊ីឈួន នាភាគខាងលិចឆៀងខាងត្បូង ប្រទេសចិន ដើម្បីចាប់សុដន់ស្ត្រីជាច្រើននាក់ដែលដើរកាត់ ។
បុរសនោះបានស្ទាក់នារីដើរកាត់នៅលើដងផ្លូវសុំឱ្យជួយសហការលេងសៀកជាមួយ ហើយក៏បោកបញ្ជោតយកដៃចាប់ស្ទាបដោះរបស់នាង ។
នៅពេលខ្សែវីដេអូឃ្លីប បង្ហោះលើវេបសាយបណ្តាអ្នកប្រើប្រព័ន្ធអីុនធើរណេតបានបង្ហាញការយល់ឃើញថា នេះមិនមែនជាការសម្តែងសៀកទេ គឺជាការបោកបញ្ឆោតលើស្ត្រីភេទ ។
ប៉ូលិសបានចាប់ខ្លួនបុរសនោះឈ្មោះ «ស៊ី» អាយុ២៦ឆ្នាំ ហើយគេបានសុំទោសចំពោះការខុសឆ្គងដែលគេបានប្រព្រឹត្តនោះ ។ ចំណែកដៃគូរបស់គេជាអ្នកថតវីដេអូឃ្លីបត្រូវប៉ូលិសចាប់ខ្លួនដែរ៕
ចែករំលែកព័តមាននេះ