រាជធានីភ្នំពេញ ៖ ក្នុងកិច្ចប្រជុំពេញអង្គរដ្ឋសភា ដើម្បីពិនិត្យលើស្នើច្បាប់ស្តីពីការបោះឆ្នោតជ្រើសរើសសមាជិកព្រឹទ្ធសភា កាលពីព្រឹកថ្ងៃទី២០ មិថុនា នេះ លោកស៊ុន ឆៃ អ្នកតំណាងរាស្ត្រ មកពីគណបក្សសង្គ្រោះជាតិ បានទាមទារឱ្យរដ្ឋសភាបំភ្លឺពីមូលហេតុ មិន
រាជធានីភ្នំពេញ ៖ ក្នុងកិច្ចប្រជុំពេញអង្គរដ្ឋសភា ដើម្បីពិនិត្យលើស្នើច្បាប់ស្តីពីការបោះឆ្នោតជ្រើសរើសសមាជិកព្រឹទ្ធសភា កាលពីព្រឹកថ្ងៃទី២០ មិថុនា នេះ លោកស៊ុន ឆៃ អ្នកតំណាងរាស្ត្រ មកពីគណបក្សសង្គ្រោះជាតិ បានទាមទារឱ្យរដ្ឋសភាបំភ្លឺពីមូលហេតុ មិនចេញសេចក្តីជូនដំណឹងឱ្យកម្មករឈប់សម្រាកទៅបោះឆ្នោតក្រុមប្រឹក្សាឃុំ-សង្កាត់ ដែលធ្វើឡើងកាលពីថ្ងៃទី០៤ មិថុនា ឆ្នាំ២០១៧កន្លងទៅ ។
លោកសុន ឆ័យ បានថ្លែងថា ការបោះឆ្នោតឆ្នាំនេះ មានការលក្ខណៈខុសប្លែកពីការបោះឆ្នោតលើកមុនៗ ។ កន្លងមក ក្រសួងការងារបានចេញសេចក្តីជូនដំណឹងអនុញ្ញាតឲ្យកម្មករោងចក្រកាត់ដេរឈប់សម្រាកទៅបោះឆ្នោតឆ្នាំ២០០៨ និង២០១៣ តែ២០១៧ អត់មានចេញសោះ ។
លោកបានបញ្ជាក់យ៉ាងដូច្នេះថា «មិនដឹងជាសមត្ថកិច្ចណាទទួលខុសត្រូវ ហើយរឿងអីបានជាកន្លងមកនេះ មិនមានការអនុញ្ញាត ជូនដំណឹងច្បាស់លាស់ ដែលធ្វើឱ្យរោងចក្រមួយចំនួនប្រព្រឹត្តខុសឆ្គង ។ រោងចក្រខ្លះកាត់បំណាច់ថ្ងៃទៅបោះឆ្នោត រហូតទៅដល់៣០ដុល្លារ ។ ដូច្នេះ សុំឱ្យមានការបញ្ជាក់រឿងនេះ កុំឲ្យមានការងឿងឆ្ងល់ពេក» ។
ជាការឆ្លើយតបសម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានស្នើឲ្យតំណាងរាស្ត្រគណបក្សសង្គ្រោះជាតិដាក់លិខិតទៅកាន់ប្រមុខរាជរដ្ឋាភិបាល ដើម្បីឲ្យបំភ្លឺចំពោះបញ្ហាដែលបានលើកឡើង ។
សម្តេច ស ខេង បានថ្លែងបញ្ជាក់យ៉ាងខ្លីថា «ឯកឧត្តមគួរដាក់ពាក្យស្នើទៅរដ្ឋាភិបាល ដើម្បីឲ្យមកឆ្លើយបំភ្លឺរឿងហ្នឹង (កម្មករអត់បានឈប់សម្រាក) មិនមែនថ្ងៃនេះទេ» ។
ចែករំលែកព័តមាននេះ