ខេត្តកំពង់ចាម ៖ ថ្លែងក្នុងពិធីបញ្ចុះបឋមសិលាសាងសង់អាគារសិក្សា១ខ្នង មាន៥បន្ទប់នៅសាលាបឋមសិក្សាទួលព្រះឃ្លាំង ស្ថិតនៅភូមិថ្មី ឃុំទួលព្រះឃ្លាំង ស្រុកស្ទឹងត្រង់ ខេត្តកំពង់ចាម កាលពីព្រឹកថ្ងៃទី២០ មិថុនា ឆ្នាំ២០១៧ លោក ហ៊ុន ម៉ាណែត ក៏សូមអរគុណប្រជាពលរដ្ឋនៅឃុំខាលើ ដែលបានបោះឆ្នោតជូនគណបក្សប្រជាជនកម្ពុជា ដោយបានជឿទុកចិត្ត និងគាំទ្រសម្តេចតេជោ ហ៊ុន សែន ដើម្បីបន្តជួយកសាងសមិទ្ធផលជាបន្តទៀត ជាក់ស្តែងដូចការសាងសង់អគារសិក្សា១ខ្នង៥បន្ទប់ នៅសាលាបឋមសិក្សាទួលព្រះឃ្លាំងនេះ ។
នៅក្នុងឱកាសនោះដែរ លោកហ៊ុន ម៉ាណែត បានប្រកាសផ្តល់អំណោយដ៏ថ្លៃថ្លារបស់សម្តេចតេជោ ហ៊ុន សែននិងសម្តេចកិត្តិព្រឹទ្ធបណ្ឌិតរួមមានកុំព្យូទ័រ២គ្រឿង (យួរដៃមួយគ្រឿងនិងលើតុគ្រឿង) ព្រីនធើរ១គ្រឿង ម៉ាស៊ីនកូពីមួយគ្រឿង ក្តារឃៀនសរសេរហ្វឺត ១៤ និងប៊ិចហ្វឺត ជូនដល់សាលាបឋមសិក្សាទួលព្រះឃ្លាំង កុំព្យូទ័រ២គ្រឿង(យួរដៃមួយគ្រឿងនិងលើតុគ្រឿង) ព្រីនធើរ១គ្រឿង ម៉ាស៊ីនកូពីមួយគ្រឿង និង LCD១គ្រឿង ជូនដល់អនុវិទ្យាល័យទួលព្រះឃ្លាំងប្រគេនស៊ីម៉ង់ត៍៥តោន និងឥដ្ឋ១០,០០០ដុំ ដល់វត្តសុវណ្ណរតនសោភណ័មុន្នី ឃុំខ្ពបតាងួន សម្រាប់កសាងសាលាបុណ្យ និងប្រគេនស៊ីម៉ង់ត៍៥តោន ដល់វត្តពោធិមង្គល ឃុំទួលព្រះឃ្លាំងសម្រាប់កសាងសាលាឆាន់ផងដែរ ។
ចែករំលែកព័តមាននេះ