គំនិតច្នៃប្រឌិតថ្មីធ្វើឱ្យរមណីយដ្ឋានដងព្រែកមានភាពទាក់ទាញ(មានវីដេអូ)
ខេត្តកំពត ៖ រមណីយដ្ឋានថ្មីមួយទៀតត្រូវបានជនជាតិបារាំងឈ្មោះ លេចស៊ី មានគំនិតច្នៃប្រឌិតបង្កើតឱ្យមានខ្សែរ៉កងាយស្រួលមនុស្សជិះឆ្លងព្រែកទៅកាន់ត្រើយម្ខាងទៀត
ខេត្តកំពត ៖ រមណីយដ្ឋានថ្មីមួយទៀតត្រូវបានជនជាតិបារាំងឈ្មោះ លេចស៊ី មានគំនិតច្នៃប្រឌិតបង្កើតឱ្យមានខ្សែរ៉កងាយស្រួលមនុស្សជិះឆ្លងព្រែកទៅកាន់ត្រើយម្ខាងទៀត ។ ការច្នៃប្រឌិតរបស់ជនបរទេសមានខ្សែរ៉កជិះឆ្លងព្រែកមានចំងាយជាប់៣០០ម៉ែត្រនេះស្ថិតនៅភូមិក្បាលដំរី ឃុំម៉ាក់ប្រាង្គ ស្រុកទឹកឈូ ខេត្តកំពត ។
យុវជនម្នាក់ឈ្មោះ គឹម ធី អាយុ២២ឆ្នាំ មកពីខេត្តស្វាយរៀងបាននិយាយប្រាប់ឱ្យដឹងថា ខ្លួនបានមកលេងនៅកន្លែងរមណីយដ្ឋានថ្មីនេះហាក់ដូចជាមានអារម្មណ៍ផ្លែកខុសពីរមណីយដ្ឋានផ្សេងៗ ព្រោះមានខ្សែរ៉កតភ្ជាប់ពីដើមឈើខ្ពស់ជិះទៅកាន់ត្រើយម្ខាងទៀត ។ យុវជនម្នាក់ឈ្មោះ ខាត់ ង៉ែត អាយុ៣០ឆ្នាំ ជាអ្នកជួយសម្រួលដល់ភ្ញៀវទេសចរណ៍បាននិយាយថា រមណីយដ្ឋានថ្មីដែលមានការច្នៃប្រឌិតទាក់ទាញភ្ញៀជាតិ និងអន្តរជាតិទើបតែកើតឡើងនៅចុងឆ្នាំ២០១៦នេះទេ ។
លោក សយ ស៊ីណុល ប្រធានមន្ទីទេសចរណ៍ខេត្តកំពតបានប្រាប់ឱ្យដឹងថា ខ្សែរ៉កទើបតែបង្កើតថ្មីមានតែមួយកន្លែងទេគឹនៅភូមិបត់ក្បាលដំរី ហើយជនបទេសជាអ្នកច្នៃប្រឌិតនៅទីនោះ ។ លោក សយ ស៊ីណុល បាននិយាយថា ការច្នៃប្រឌិតបង្កើតឱ្យមានខ្សែរ៉កជិះឆ្លងព្រែកបែបនេះអាចទាក់ទាញភ្ញៀវកាន់តែច្រើនថែមទៀតមកលេងខេត្តកំពត ៕
ចែករំលែកព័តមាននេះ