តម្លៃប្រេងបានធ្លាក់ចុះរយៈពេលពីរថ្ងៃជាប់គ្នាកាលពីថ្ងៃពុធ និងព្រហស្បតិ៍ ព្រោះតែអាមេរិកបានបង្កើនផលិតកម្មប្រេងរបស់ខ្លួន ។
តម្លៃប្រេងរបស់ Brent បានធ្លាកចុះមកត្រឹម
តម្លៃប្រេងបានធ្លាក់ចុះរយៈពេលពីរថ្ងៃជាប់គ្នាកាលពីថ្ងៃពុធ និងព្រហស្បតិ៍ ព្រោះតែអាមេរិកបានបង្កើនផលិតកម្មប្រេងរបស់ខ្លួន ។
តម្លៃប្រេងរបស់ Brent បានធ្លាកចុះមកត្រឹម ៤៦,៧០ដុល្លាក្នុងមួយធុង បើទោះបីជាមានការខិតខំប្រឹងប្រែងក្នុងការកាត់បន្ថយផលិតកម្មប្រេង១,៨លានធុងក្នុង១ថ្ងៃពីOPECនិងប្រទេសមិនមែនជាសមាជិកOPECក៏ដោយ ។
កាលពីថ្ងៃទ២៥ ខែឧសភា ពួកគេបានយល់ព្រមថា នឹងបន្តការកាត់បន្ថយផលិតកម្មនេះ៩ខែទៅមុខទៀតរហូតដល់ខែមីនាឆ្នាំ២០១៨ ប៉ុន្តែតម្លៃប្រេងបែរជាធ្លាក់ចុះ១២%ទៅវិញតាំងពីថ្ងៃនោះមក។
លោកTariq Zahir ពាណិជ្ជករប្រេងនិងជាសមាជិកគ្រប់គ្រងក្នុងTyche Capital Advisors បានឲ្យដឹងថា ប្រទេសលីប៊ី និងនីហ្សេរីយ៉ា បានបង្កើនផលិតកម្មប្រេង ហើយវាពិតជាប៉ះពាល់ដល់ការខិតខំប្រឹងប្រែងរបស់OPEC យ៉ាងខ្លាំង ។
ប្រទេសលីប៊ីបានមើលឃើញការផ្គត់ផ្គង់ត្រូវបានរាំងស្ទះដោយការធ្វើកូដកម្ម និងជម្លោះកិច្ចព្រមព្រៀងជាដើម ប៉ុន្តែ National Oil Company បាននិយាយកាលពីសប្តាហ៍មុនថាផលិតកម្ម គឺកំពុងតែបន្តដំណើរការឡើងវិញក្នុងតំបន់ប្រេងសំខាន់ៗ ។
ផលិតកម្មប្រេងរបស់អាមេរិកក៏បានកើនឡើង១០%ផងដែរក្នុងរយៈពេល១ឆ្នាំមកនេះ មកស្មើនឹង៩,៣៣លានធុងក្នុង១ថ្ងៃ ជិតនឹងស្មើប្រទេសរុស្ស៊ី និងអារ៉ាប៊ីសាអូឌីត ។
កាលពីថ្ងៃពុធ តម្លៃប្រេងឆៅបានធ្លាក់ចុះជិត៤% បន្ទាប់ពីចំនួនប្រេងឥន្ធនៈរបស់អាមេរិកកើនឡើងដ៏គួរឲ្យភ្ញាល់ផ្អើល និងភ្នាក់ងារថាមពលអន្តរជាតិនិយាយថា ការកើនឡើងនៃការផ្គត់ផ្គង់ប្រេងនៅឆ្នាំក្រោយ នឹងច្រើនជាងតម្រូវការថែមទៀត ៕
ចែករំលែកព័តមាននេះ