មិនធម្មតាទេ! បុរសម្នាក់នេះបំបែកកំណត់ត្រា១០មុខ ដោយគ្រាន់តែប្រើពុកចង្កា
អាមេរិក ៖ បុរសអាមេរិកម្នាក់បានបំបែកកំណត់ត្រាពិភពលោក Guinness World Record ដោយធ្វើ
អាមេរិក ៖ បុរសអាមេរិកម្នាក់បានបំបែកកំណត់ត្រាពិភពលោក Guinness World Record ដោយធ្វើ
អាមេរិក ៖ បុរសអាមេរិកម្នាក់បានបំបែកកំណត់ត្រាពិភពលោក Guinness World Record ដោយធ្វើការតុបតែងគ្រឿងលម្អណូអែលចំនួន ៧១០គ្រាប់នៅពុកចង្ការរបស់គាត់។
នេះមិនមែនជាលើកទី ១នោះទេដែលលោក Joel Strasser មកពីរដ្ឋ Idaho បានបំបែកកំណត់ត្រាពិភពលោកដោយសារពុកចង្ការរបស់លោក។ កាលពីឆ្នាំ ២០១៩ លោកបានបង្កើតកំណត់ត្រានេះលើកដំបូងដោយធ្វើការតុបតែងគ្រឿងលម្អចំនួន ៣២០គ្រាប់នៅពុកចង្ការ។
នៅឆ្នាំ ២០២០ លោកបានបំបែកកំណត់ត្រាខ្លួនឯងដោយតុបតែងចំនួន ៥៤២គ្រាប់ និងម្តងទៀតនៅក្នុងឆ្នាំ ២០២១ ចំនួន ៦៨៦គ្រាប់។
លោក Joel Strasser បានថ្លែងប្រាប់ស្ថាប័នកំណត់ត្រាពិភពលោកថា «បច្ចេកទេសរបស់ខ្ញុំបានវិវឌ្ឍ និងទទួលបានឯកទេសកាន់តែច្រើនក្នុងរយៈពេលជាច្រើនឆ្នាំដែលខ្ញុំបានបំបែកកំណត់ត្រា»។
«ក្នុងកំណត់ត្រាដំបូងៗ ខ្ញុំដាក់វាដោយឥតមានរបៀបនៅក្នុងពុកចង្ការបស់ខ្ញុំ ហើយនោះជាមូលហេតុដែលកំណត់ត្រាពុកចង្ការដំបូងរបស់ខ្ញុំមានចំនួនតិច»។
ក្រៅពីកំណត់ត្រានេះ លោកក៏ជាម្ចាស់កំណត់ត្រាពិភពលោកដែលបានដោតបំពង់បឺតធ្វើពីក្រដាស់ចូលក្នុងពុកចង្ការបានច្រើនបំផុតគឺ ៥៣៤ដើម ដោយតបំពង់បឺតច្រើនបំផុត (៣១២ដើម) ដោតចង្កឹះក្នុងពុកចង្ការច្រើនបំផុត (៥២០ដើម) និងដោតជើងទម្រកូនហ្គោល (golf tee) ច្រើនបំផុត (៦០៧ដើម)។
កំណត់ត្រាផ្សេងៗទៀតមានដូចជា ដោតសមក្នុងពុកចង្ការបានច្រើនបំផុត (១២៦ដើម) ឈើចាក់ធ្មេញ (៣.៥០០ដើម) និងនិងដង្កៀប (clothespin) ច្រើនបំផុត (៣៥៩គ្រាប់) និងបំបែកកំណត់ត្រាដោតចង្កឹះបានច្រើនបំផុតក្នុងរយៈពេល ១នាទី (៨៦ដើម)៕ (យោងតាមប្រភព៖ UPI)
ចែករំលែកព័តមាននេះ