ម៉ែឪអាដាក់ឈើហើយ ដាក់ទាល់តែដឹកលែងរួច
ខេត្តត្បូងឃ្មុំ ៖ រថយន្តម៉ាកសាំងយ៉ុងកែច្នៃ១គ្រឿងពណ៌ខៀវ ផ្ទុកឈើក្រហមណែនទ្រុងខាងក្រោយ បានខូចនៅវេលាម៉ោងប្រហែលជាង១ រំលងអាធ្រាត្រឈានចូលព្រឹកថ្ងៃទី១៩
ខេត្តត្បូងឃ្មុំ ៖ រថយន្តម៉ាកសាំងយ៉ុងកែច្នៃ១គ្រឿងពណ៌ខៀវ ផ្ទុកឈើក្រហមណែនទ្រុងខាងក្រោយ បានខូចនៅវេលាម៉ោងប្រហែលជាង១ រំលងអាធ្រាត្រឈានចូលព្រឹកថ្ងៃទី១៩
ខេត្តត្បូងឃ្មុំ ៖ រថយន្តម៉ាកសាំងយ៉ុងកែច្នៃ១គ្រឿងពណ៌ខៀវ ផ្ទុកឈើក្រហមណែនទ្រុងខាងក្រោយ បានខូចនៅវេលាម៉ោងប្រហែលជាង១ រំលងអាធ្រាត្រឈានចូលព្រឹកថ្ងៃទី១៩ មិថុនា ២០១៧ លើផ្លូវជាតិលេខ៧ ត្រង់ចំណុចភូមិជើងខាល ឃុំមង់រៀវ ស្រុកត្បូងឃ្មុំ។ រថយន្តដឹកឈើនេះមិនមានច្បាប់ដឹកជញ្ជូនត្រឹមត្រូវនោះទេ ហើយត្រូវបានលោកឧត្តមសេនីយ៍ទោ បែន រ័ត្ន ស្នងការនគរបាលខេត្តបញ្ជាឲ្យកម្លាំងក្រោមឱវាទចុះត្រួតពិនិត្យសហការជាមួយនឹងរដ្ឋបាលព្រៃឈើ អូសយកទៅដាក់នៅឃ្លាំងទន្លេបិទស្រុកត្បូងឃ្មុំ ដើម្បីចាត់ការតាមច្បាប់។ លោកអនុសេនីយ៍ឯក វ៉ា វ៉ាន់ធូ នាយផ្នែកសារពើព័ន្ធការិយាល័យប្រឆាំងបទល្មើស សេដ្ឋកិច្ចខេត្តប្រាប់ឲ្យដឹងថា ក្រោយពីទទួលបានបញ្ជាពីឧត្តមសេនីយ៍ស្នងការនគរបាលខេត្ត រូបលោក និងសហការីម្នាក់ទៀតបានចុះមកពិនិត្យ ក៏បានឃើញរថយន្តកែច្នៃ១គ្រឿងខាងលើនេះ ត្រូវបានគេអូសយកមកធ្វើនៅយានដ្ឋានជួសជុលរថយន្តមួយកន្លែង នៅក្បែរកន្លែងខូចនោះដែរ។
លោកអនុសេនីយ៍ឯក ប្រាប់បន្តថា ក្រោមកិច្ចសហការជាមួយនឹងកម្លាំងរដ្ឋបាលព្រៃឈើនោះ បានដឹងថារថយន្តដឹកឈើនេះបានបើកចេញពីឃុំហាន់ជ័យ ស្រុកកំពង់សៀម ខេត្តកំពង់ចាម នៅយប់ថ្ងៃទី១៨ មិថុនា ២០១៧ ក្នុងទិសដៅពីលិចមកកើតតាមបណ្តោយផ្លូវជាតិលេខ៧ ស្របពេលមកដល់ត្រង់ចំណុចភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ រថយន្តនេះបានដឹកឈើធ្ងន់ពេក ហើយប្រឹងអូសក៏ជាហេតុបណ្តាលឲ្យខូចម៉ាស៊ីន ទៅមុខលែងរួចក៏ត្រូវបានកម្មករនាំគ្នារុញចូលជាងដើម្បីជួសជុល បន្តដំណើរទៅកាន់ដំរិល ស្រុកអូររាំងឪ តែមិនទាន់នឹងបានធ្វើរួចផង ត្រូវបានកម្លាំងសមត្ថកិច្ចសហការជាមួយនឹងរដ្ឋបាលព្រៃឈើចុះពិនិត្យឃើញមិនមានឯកសារត្រឹមត្រូវនោះទេ សូម្បីតែរថយន្តវិញក៏ត្រូវបានប្រើប្រាស់រថយន្តកែច្នៃបែបនេះដែរ។
លោកអនុសេនីយ៍ឯក វ៉ា វ៉ាន់ធូ បញ្ជាក់ថាក្នុងពេលដែលសមត្ថកិច្ចបានចុះទៅពិនិត្យឈើនោះ បែរជាម្ចាស់ឈើឈ្មោះ ជាតិ ម៉េងហួន ភេទប្រុស បានយកឯកសារដឹកជញ្ជូនអនុផលព្រៃឈើ ចេញពីខេត្តស្ទឹងត្រែងជាង១៨ម៉ែត្រត្រីគុណទាំងផុតសុពលភាពតាំងពីថ្ងៃទី២០ មករា ២០១៧មកម្លេះ គោលដៅឆ្ពោះមកចម្ការសាមសិប ឃុំគគរ ស្រុកកំពង់សៀម ខេត្តកំពង់ចាម ឯណោះទេ។ មួយវិញទៀតក៏មានវិក្កយបត្រលក់ឈើអាររបស់ គា ម៉េងឃាង នៅភូមិមាន់ហើរ ឃុំហាន់ជ័យ ស្រុកកំពង់សៀម ខេត្តកំពង់ចាម ដែលបានចុះតាំងពីថ្ងៃទី២០ មករា ២០១៧មកម្លេះ។ លោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំប្រាប់ឲ្យដឹងដែរថា ចំពោះករណីខាងលើនេះមន្ត្រីរបស់លោកកំពុងតែចាត់ការតាមនីតិវិធីហើយ៕
ចែករំលែកព័តមាននេះ